Weather Update: మూడు రోజుల పాటు ఉరుములు మెరుపులతో వానలు..

Weather Update:ఎండ వేడిమితో అల్లాడుతున్న ప్రజలకు వాతావరణ శాఖ చల్లటి శుభవార్త చెప్పింది. ఇప్పటికే హీట్ తో ఉక్కబోతకు గురవుతున్న ప్రజలకు వానలతో కాస్త రిలీఫ్ దక్కే అవకాశం ఉంది. తెలంగాణలో రానున్న ఐదు రోజులు పాటు వర్షాలు కురిసే అవకాశాలున్నాయని వాతావరణ కేంద్రం తెలిపింది.

Weather Update: తెలంగాణలో  రానున్న మూడు రోజుల్లో  ఓ మోస్తరు వాన కురిసే అవకాశం ఉందని హైదరాబాద్ వాతావరణ కేంద్రం అధికారులు పేర్కొన్నారు. రానున్న ఐదురోజులపాటు తేలికపాటి నుంచి భారీ వర్షాలు కురుస్తాయని తెలిపారు. భూ ఉపరితలం వేడెక్కడంతోపాటు ద్రోణి ప్రభావం వలన ఈ వర్షాలు పడనున్నాయని అధికారులు పేర్కొన్నారు.

Add Zee News as a Preferred Source

బుధ, గురువారాల్లో ఉత్తర, పశ్చిమ జిల్లాల్లో ఈదురు గాలులు, ఉరుములు, మెరుపులతో కూడిన వడగండ్ల వాన పడనుంది. రానున్న రెండు రోజులపాటు రాష్ట్రంలో 40 నుంచి 50 కిమీల వేగంతో ఈదురు గాలులు వీస్తాయని తెలిపారు.

వడగండ్ల వాన పడనున్న ఉమ్మడి ఆదిలాబాద్, నిజామాబాద్, కరీంనగర్, మహబూబ్ నగర్ జిల్లాల ప్రజలు అప్రమత్తంగా ఉండాలని హెచ్చరికలు జారీ చేశారు. మరోవైపు రేపు  బంగాళాఖాతంలో అల్పపీడనం ఏర్పడే అవకాశం ఉందని తెలుస్తోంది. ఇది వాయుగుండంగా మారి దక్షిణ కోస్తా, ఉత్తర తమిళనాడు తీరాల వైపు పయనించవచ్చని అంచనా వేస్తున్నారు. దీంతో ఆంధ్ర ప్రదేశ్ లో తీర ప్రాంతాల్లో వర్షాలు పడే అవకాశాలు పుష్కలంగా ఉన్నాయి. దీంతో సముద్రంలో వేటకు వెళ్లే మత్స్స కారులు అప్రమత్తంగా ఉండాలని వాతావరణ శాఖ తెలిపింది. అంతేకాదు వాయు గండం వల్ల ఎలాంటి ప్రాణ నష్టం జరగకుండా తగిన జాగ్రత్తలు తీసుకుంటున్నారు.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.