Telangana Rains: బిగ్ అలర్ట్.. హైదరాబాద్ సహా తెలంగాణకు భారీ వర్ష సూచన..

Telangana Rains:తెలంగాణ రాష్ట్రంలో మూడు రోజుల పాటు తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. రాష్ట్రంలోని కొన్ని జిల్లాల్లో అక్కడక్కడా ఈదురు గాలులతో కూడిన వర్షం కురిసే అవకాశం ఉందని పేర్కొంది.

Telangana Rains: తెలంగాణలో కొన్ని చోట్ల పగలు మాడు పగిలేలా ఎండ జాడించి కొడుతోంది. మరికొన్ని చోట్ల వడగండ్లతో కూడిన వర్షాలు పడుతున్నాయి. దీంతో కొన్ని చోట్ల ఈదురు గాలుల వలన చెట్లు కూలాయి. దీంతో పలు చోట్ల ట్రాఫిక్ కు అంతరాయం కలిగింది. అంతేకాదు పలు జిల్లాల్లో గంటకు 30 నుంచి 40 కిలోమీటర్ల వేగంతో ఈదురుగాలులు వీస్తాయని తెలిపింది.

Add Zee News as a Preferred Source

అదే సమయంలో, రానున్న మూడు రోజుల పాటు పగటి ఉష్ణోగ్రతలు పెరుగుతాయని వెల్లడించింది. రెండు నుంచి మూడు డిగ్రీల మేర ఉష్ణోగ్రతలు పెరిగే అవకాశం ఉందని వాతావరణ శాఖ అధికారులు తెలిపారు.

తెలంగాణ లోని మంచిర్యాల,ములుగు, నల్గొండ, సూర్యాపేట, మహూబూబాబాద్, వరంగల్, హన్మకొండ, భూపాలపల్లి, జనగాం, సిద్ధిపేట, భువనగిరి, నాగర్ కర్నూల్, నారాయణపేట, గద్వాల జిల్లాల్లో అక్కడకక్కడ ఉరుములు, మెరుపులు, ఈదురుగాలులతో కూడిన వర్షాలు పడే అవకాశం ఉంది. ఈ జిల్లాలకు ఎల్లో హెచ్చరికలు జారీ చేశారు. అంతేకాదు పలు చోట్ల వర్షాల వలన కళ్లాల్లో ఎండ బెట్టిన ధాన్యం తడిసి ముద్ద అయింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.