Telangana Rains: తెలంగాణలో వచ్చే 3 రోజులు భయంకరంగా వానలు..

Telangana Rains: తెలంగాణలో నిన్న రాత్రి పలు జిల్లాలతో పాటు హైదరాబాద్ వ్యాప్తంగా కురిసిన భారీ వర్షాలకు నగరం తడిసి ముద్దైయింది. అంతేకాదు అకాల వర్షాలతో చేతికి వచ్చిన మామిడి పంట నేల రాలింది. మొత్తంగా అకాల వర్షాలతో సామాన్యులు కాస్తంత వేడి తగ్గిందని సంతోషిస్తుంటే.. రైతులు మాత్రం లబోదిబో మంటున్నారు. మరోవైపు  రానున్న మూడు రోజుల్లో తెలంగాణ వ్యాప్తంగా వడగండ్ల వానలు మరో మూడు రోజులు పడతాయని హైదరాబాద్ వాతావరణ శాఖ హెచ్చరిస్తుంది.

Add Zee News as a Preferred Source

ఆదిలాబాద్ కొమరం భీం ఆసిఫాబాద్, మంచిర్యాల, జగిత్యాల, ములుగు, వరంగంల్ జిల్లాల్లో వడగండ్ల వానలు ప్రభావం ఉంటుందని తెలిపింది. ఈ రోజు, రేపు కూడా   ఉరుములు మెరుపులు,ఈదురు గాలులతో కూడిన  వడగండ్ల వానలు కురిస అవకాశాలున్నాయని తెలిపింది.

ఇక నిన్న రాత్రి తెలంగాణలోని ఆదిలాబాద్, కొమరంభీం ఆసిఫాబాద్, మంచిర్యాలు, పెద్దపల్లి,  జగిత్యాల, రాజన్న సిరిసిల్ల, కరీంనగర్, జయశంకర్ భూపాలపల్లి జిల్లాల్లోని కొన్ని ప్రాంతాల్లో ఉరుములు, మెరుపులతో కూడిన గంటకు 40నుంచి 50 కిలోమీటర్ల వేగంతో ఈదురు గాలులతో కూడిన  వడగండ్ల వాన కురిసింది.  అటు నిర్మల్, నిజామాబాద్, మహబూబాబాద్, వరంగల్, హన్మకొండ, జనగాం, సిద్దిపేట, వికారాబాద్, సంగారెడ్డి, మెదక్, కామారెడ్డి జిల్లాల్లోని కొన్ని ప్రాంతాల్లో ఉరుములు, మెరుపులతో కూడిన ఈదురు గాలులు గంటలకు 30నుంచి -40 కి.మీ.వేగంతో వీయడంతో పంటలు నీట మునగడంతో రైతులు రోడ్డున పడ్డారు.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.