 "Wine Shops Close: తెలంగాణలో వైన్ షాపులు బంద్.. ఎప్పుడు? ఎందుకో తెలుసా?")
Wine Shops And Bars Close: మందుబాబులకు మరో చేదువార్త. ఇప్పటికే కాంగ్రెస్ ప్రభుత్వం భారీ ఎత్తున బీర్లతోపాటు మద్యం ధరలు పెంచిన విషయం తెలిసిందే. తాజాగా ధరల పెంపు లేకపోయినా రెండు రోజుల పాటు మాత్రం వైన్స్ షాపులు మూత పడునున్నాయి. రెండు రోజుల పాటు మద్యం దుకాణాలు మూసివేసేందుకు పోలీసులతోపాటు ఎక్సైజ్ శాఖ అధికారులు చర్యలు తీసుకుంటున్నారు. అయితే ఎందుకు వైన్ షాపులు మూస్తున్నారు? ఎప్పుడూ అనే వివరాలు ఇలా ఉన్నాయి.
తెలంగాణలో బోనాల పండుగ అంగరంగ వైభవంగా జరుపుకుంటారు. రాష్ట్రవ్యాప్తంగా వివిధ ప్రాంతాల్లో వివిధ సమయాల్లో చేసుకుంటుంటారు. అయితే హైదరాబాద్లో మాత్రం ఆషాఢ మాసంలో నెల రోజుల పాటు బోనాల పండుగ జరుగుతుంది. జూలైలో ఆషాఢ మాసం రావడంతో హైదరాబాద్ మొత్తం ఆధ్యాత్మిక వాతావరణం సంతరించకుంది. బోనాల సందర్భంగా హైదరాబాద్లో ఎలాంటి అవాంఛనీయ సంఘటనలు జరగకుండా పోలీసులు, ఎక్సైజ్ శాఖ అధికారులు ముందస్తుగా మద్యం దుకాణాలు మూసివేస్తుంటారు. ఈ క్రమంలోనే ఈ వారాంతం వైన్స్ దుకాణాలు మూసివేసే అవకాశం ఉంది.
ఆ రోజు నుంచే?
జూలై 13వ తేదీన సికింద్రాబాద్ బోనాలు జరగనున్నాయి. తర్వాతి రోజు అంటే జూలై 14వ తేదీన రంగం.. ఫలాహార బండ్ల ఊరేగింపు ఉంటుంది. తెలంగాణలోనే లష్కర్ బోనాలు ప్రసిద్ధి చెందాయి. లష్కర్ అంటే సికింద్రాబాద్ ప్రాంతం అని అర్థం. సికింద్రాబాద్లోని ఉజ్జయిని మహాంకాళి బోనాల జాతర అంగరంగ వైభవంగా జరుగుతుంది. లక్షలాది భక్తులు ఆనందోత్సాహాల మధ్య కుటుంబసభ్యులు, స్నేహితులతో చేసుకుంటుంటారు. ఈ సందర్భంగా మందు, ముక్క పక్కా ఉంటుంది. ఈ క్రమంలోనే గొడవలు జరుగుతాయనే ఉద్దేశంతో హైదరాబాద్ పోలీసులు, ఎక్సైజ్ శాఖ అధికారులు మద్యం దుకాణాలు మూసివేస్తారు.
24 గంటలు బంద్?
దాదాపుగా 24 గంటల పాటు మద్యం దుకాణాలు బంద్ చేస్తారు. గతేడాది ఉదయం 6 గంటల నుంచి మరుసటి రోజు ఉదయం 6 గంటల వరకు వైన్ షాపులు మూసి ఉంచారు. ఈ ఏడాది కూడా అలాగే చేసే అవకాశం ఉంది. బోనాల సందర్భంగా మద్యం దుకాణాలు, బార్లు మూసి వేస్తారు. ఆ రోజు ఎక్కడా కూడా మద్యం లభించకుండా ఎక్సైజ్ శాఖతో కలిసి పోలీసులు కఠిన చర్యలు తీసుకుంటారు. నిబంధనలు ఉల్లంఘించి మద్యం విక్రయించిన వారిపై కఠిన చర్యలు తీసుకుంటారు. ఈ లెక్కన ఆదివారం నుంచి సోమవారం (జూలై 10-11 తేదీలు) వరకు మద్యం దుకాణాలు మూసివేసే అవకాశం ఉంది.
ఈ ప్రాంతాల్లో బంద్?
సికింద్రాబాద్ బోనాల సందర్భంగా ఎలాంటి అవాంఛనీయ సంఘటనలు చోటుచేసుకోకుండా ఎక్సైజ్ శాఖ ముందస్తుగా వైన్స్ బంద్ చేస్తుంటుంది. సికింద్రాబాద్ ప్రాంతంలో బోనాలు ఉండడంతో ఆ ప్రాంత పరిధిలోని అన్ని వైన్స్ దుకాణాలు బంద్ ఉండనున్నాయి. తిరుమలగిరి, మహంకాళి పోలీస్ స్టేషన్, బొల్లారం, మార్కెట్ పీఎస్, బోయిన్పల్లి, మారేడ్పల్లి, చిలకలగూడ, గాంధీనగర్, గోపాలపురం, రాంగోపాల్ పేట, తుకారం గేట్, కార్ఖానా, లాలాగూడ, తార్నాక, వారాసిగూడ, బేగంపేట తదితర ప్రాంతాల్లో మద్యం విక్రయాలు బంద్ ఉండే అవకాశం ఉంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
)