బరువు, బీపీ, షుగర్.. వీటిలో మీరు వేటితో బాధపడుతున్న ఈ స్ప్రౌట్స్ పులావ్ ఒకసారి ట్రై చేయండి.
ఇందుకోసం కావలసిన పదార్థాలు; అర కప్పు మొలకలు, ఒక కప్పు బ్రౌన్ రైస్, ఒక క్యాప్సికం, ఒక టమాటో, నాలుగు బీన్స్, మూడు వెల్లుల్లి రెబ్బలు, పసుపు అర స్పూను, ఒక స్పూన్ జీలకర్ర పొడి
వాటితో పాటు కారం అర స్పూన్, ఒక ఉల్లిపాయ, ఒక స్పూన్ తరిగిన అల్లం, అర స్పూన్ ధనియాల పొడి, కొంచెం నూనె, రుచికి సరిపడా ఉప్పు
ముందుగా బ్రౌన్ రైస్ చేసి పెట్టుకోండి. ఆ తర్వాత స్టవ్ మీద కళాయి పెట్టి నూనె వేయాలి. కొంచెం వేడెక్కాక జీలకర్ర సన్నగా తరిగిన ఉల్లిపాయ వేసుకొని వేయించాలి
అల్లం, వెల్లుల్లి తరుగును కూడా వేసి వేయించుకోవాలి. ఆ తర్వాత క్యాప్సికం, బీన్స్ ముక్కలుగా చేసి వేసి వేయించాలి.
ఆ తరువాత రుచికి తగినంత ఉప్పు, తరిగిన టమాటాలు అన్ని వేసుకొని వేయించుకొని.. మూత పెట్టి కాసేపు ఉడికించాలి.
బాగా ఉడికాక పసుపు, జీలకర్ర పొడి, కారం, ధనియాల పొడి వేసి.. ఇది మొత్తం ఇగురులాగా అయ్యాక మొలకలను వేసి ఐదు నిమిషాలు ఉడకనివ్వాలి.
ఇప్పుడు మొలకలు కాస్త ఉడికాక ముందుగా చేసుకున్న బ్రౌన్ రైస్ ను వేసి బాగా కలుపుకోవాలి.
అంతే ఆరోగ్యానికి ఎంతో మంచిదైన స్ప్రౌట్స్ పులావ్ సిద్ధం.