మన ఇంటివంటగదిలో ఉండే ఉల్లి, వెల్లుల్లితో పాములను తరమొచ్చంటే మీరు నమ్ముతారా? ఈ రెండిటి ఘాటు వాసనకు పాములు దూరంగా పారిపోతాయి.
ఎందుకంటే ఉల్లి, వెల్లుల్లి పాములకు వికర్షంగా పనిచేస్తాయి.
ఉల్లి, వెల్లుల్లి రెండూ పాములకు పడవు. ఈ రెండు కలిపి ఓ పవర్ ఫుల్ ద్రావణాన్ని తయారు చేయాలి.
ఈ ద్రావణం సిద్ధం చేయడానికి ఉల్లిపాయ, వెల్లుల్లి రెండిటినీ ముక్కలుగా కట్ చేయాలి.
ఈరెండు మిశ్రమాలను తగినంత నీరు పోసి ఓ 5 నిమిషాలు ఉడకబెట్టి, కొన్ని గంటపపాటు పక్కనబెట్టాలి.
ఈ ద్రావణాన్ని ఇప్పుడు వడకట్టి స్ప్రే బాటిల్‌లోకి వేసుకోవాలి.
ఈ ద్రావణాన్ని మీ ఇంటి చుట్టూ తోటలో స్ప్రే చేయాలి. ప్రభావవంతంగా పనిచేయడానికి ఇందులో కాస్త రాళ్ల ఉప్పు కలపి చల్లుకోండి.
ఈ స్ప్రే మీ పెంపుడు జంతువులైన పిల్లులు, కుక్కలు ఉండని ప్రాంతంలో చల్లాలి.
అంతేకాదు మీ ఇంటి చుట్టూ పరిసరాలు శుభ్రంగా ఉంచుకోండి. రాతికుప్పలు, అడ్డదిడ్డంగా పెరిగిన మొక్కలు, నీటి స్టోరేజీలను పాములకు ఆవాసాలుగా మారతాయి వాటిని తొలగించండి.