అందరూ ఎంతో ఇష్టంగా తినే టొమాటో దోశ.. తయారీ విధానం మీకోసం
ముందుగా మూడు టమాటాలు, కొంచెం అల్లం, రుచికి సరిపడా ఉప్పు, 3 ఎండు మిరపకాయలు వేసి మెత్తగా రుబ్బుకోవాలి.
ఆ తరువాత అదే మిక్సీ జార్ లో దోశె పిండి వేసి నీళ్లు పోసి మళ్లీ రుబ్బుకోవాలి.
ఈ మిశ్రమాన్ని గిన్నెలోకి తీసుకొని దోశె పిండిలా కొద్దిగా నీళ్లు పోసి బాగా కలపాలి. తర్వాత ఈ పిండిని 10 నిమిషాలు పాటు అలానే వదిలేయండి.
తర్వాత అందులో కావాలి అనుకుంటే కొంచెం ఉప్పు వేసి కలపాలి.
ఇప్పుడు స్టవ్ మీద పెనం పెట్టి, నూనె రాసి, ఆపై పిండిని దోశ లాగా వేయండి. సాధారణ దోశలానే రెండు వైపులా వేడి చేయండి. అంతే ఎంతో రుచికరమైన టొమాటో దోశె సిద్ధం.