బతుకమ్మ..తెలంగాణ సంస్క్రుతి, సంప్రదాయాలకు వేడుక. సహజంగా లభించే పువ్వులు, ఆకులతో బతుకమ్మను అందంగా అలంకరిస్తారు. బతుకమ్మను ప్రక్రుతి పండగ అని కూడా పిలుస్తారు.
అక్టోబర్ 2వ తేదీ నుంచి అక్టోబర్ 10వ తేదీ వరకు ఎంతో ఘనంగా 9 రోజులపాటు తీరొక్క పువ్వుతో బతుకమ్మను పేర్చి ఆడిపాడుతుంటారు. ఊరువాడ బతుకమ్మ పాటలతో మారుమ్రోగుతుంది.
బతుకమ్మ అంటే గునుగు, తంగేడు పువ్వులు. ఈ పువ్వులు లేని బతుకమ్మ ఉండదు. తంగేడు, గునుగుతోపాటు రకరకాల పువ్వులతో బతుకమ్మను అందంగా పేర్చుతారు.
తీరొక్క పువ్వులతో పేర్చే బతుకమ్మ చూసేందుకు ఎంతో అందంగా కనిపిస్తుంది. కానీ తీరొక్క పువ్వుల్లో అందమే కాదు ఆరోగ్యమూ ఉందని చాలా మందికి తెలియదు.
తెల్లగ..మీద గులాబీ రంగు అందంగా కనిపించే గునుగు పువ్వులో ఆరోగ్య రహస్యాలు ఎన్నో దాగి ఉన్నాయి. గునుగు పువ్వులతో ఆరోగ్యానికి ఎంతో మేలు జరుగుతుందని ఆయుర్వేద నిపుణులు చెబుతున్నారు.
గునుగు ఆకులను పేస్టు చేసి గాయాలు,పుండ్లపై రాస్తే త్వరగా తగ్గిపోతాయట. అంతేకాదు గునుగు ఆకుల రసాన్ని టీబీ వ్యాధి నివారణ కోసం వాడుతారట.
చర్మ సమస్యలను తగ్గించడంలో గునుగు పువ్వులు అద్భుతంగా పనిచేస్తాయని నిపుణులు చెబుతున్నారు. గునుగు గింజలను ఆహారంగా తీసుకుంటే విరేచనాలు, రక్తస్రావం, అతిసారం వంటివి తగ్గుతాయి.
ముఖ్యంగా మలబద్దకం, రక్తహీనత, హైబీపీ సమస్యలను నివారించడంలో చాలా ఎఫెక్టివ్ గా పనిచేస్తుందని ఆయుర్వేద నిపుణులు చెబుతున్నారు.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి.