సోయాబఠానీ కర్రీ రుచిగా ఉండటమే కాకుండా మంచి ఆరోగ్యాన్ని కూడా అందిస్తుంది. మరి దీని తయారీ విధానాన్ని ఒకసారి చూద్దాం.
ముందుగా ఒక కప్పు సోయా గ్రాన్యుల్స్ ని నీటిలో గంట పాటు నానబెట్టాలి.
అలానే ఒక కప్పు పచ్చి బఠానీలు కూడా రాత్రంతా నానబెట్టుకోవాలి. ఉదయాన్నే వీటిని కుక్కర్లో వేసి ఒక విజిల్ వచ్చేవరకు ఉడికించుకోవాలి.
నీళ్లు వడగట్టి.. బతానీలు పక్కన పెట్టుకోవాలి. ఇప్పుడు స్టవ్ పైన కళాయి పెట్టి నూనె వేయాలి.
అందులో సన్నగా తరిగిన ఉల్లిపాయ బాగా వేయించుకొని, ఒక స్పూన్ వెల్లుల్లి తరుగు, అల్లం తరుగు,రెండు పచ్చిమిర్చిలు వేసుకోవాలి.
అలాగే ఒక టమాటాను మిక్సీలో వేసి ప్యూరీలా వేసి దాన్ని కూడా వేయించుకోండి.
తర్వాత ధనియాల పొడి, కారం, రుచికి సరిపడా ఉప్పు వేసి దగ్గరగా ఇగురులాగా చేసుకోండి.
ఇప్పుడు బాగా ఉడికించిన బఠానీలను వేసి కలుపుకొని.. పది నిమిషాలు బఠానీలను ఉడికించాలి.
తర్వాత నానబెట్టుకున్న సోయా గ్రాన్యూల్స్ చేత్తోనే పిండి వేసి కర్రీ ని కలుపుకోవాలి.
కాసేపు ఈ మిశ్రమాన్ని ఉడికిస్తే ఎంతో రుచికరమైన సోయాబఠానీ కర్రీ.. రెడీ.