చాలామందికి ముఖ్యంగా మహిళలను ఎక్కువగా వేధించే సమస్య డేండ్రఫ్. ఈ సమస్యను దూరం చేసే హోమ్ రెమిడీస్ గురించి తెలుసుకుందాం.
పెరుగులోని ప్రో బయోటిక్స్ డేండ్రఫ్ పుట్టించే ఫంగస్‌తో పోరాడేందుకు దోహదపడతాయి. వారంలో ఒకసారి పెరుగును జుట్టు కుదుళ్లకు పట్టేలా రాసి ఓ గంట తరువాత షాంపూతో స్నానం చేయాలి
వేప నూనెలో యాంటీ బ్యాక్టీరియల్, యాంటీ ఫంగల్ గుణాలు ఎక్కువ. చుండ్రు దూరం చేయడంలో అద్భుతంగా ఉపయోగపడతాయి.
మెంతి గింజలల్ని రాత్రంతా నీళ్లలో నానబెట్టి మరుసటి రోజు పేస్ట్ చేసి కేశాలకు రాయాలి. ఇలా చేయడం వల్ల చుండ్రు వేగంగా తగ్గుతుంది
ఉసిరి అనేది విటమిన్ సికు కేరాఫ్ అడ్రస్ అని చెప్పవచ్చు. చుండ్రును వేగంగా తగ్గించేందుకు దోహదపడుతుంది. ఉసిరి మిశ్రమం లేదా ఆయిల్ వారంలో రెండుసార్లు కేశాలకు రాయాలి.
కేశాలకు కీరా రసం రాయడం వల్ల డేండ్రఫ్ తొలగిపోతుంది. దాంతో పాటు స్కాల్ప్‌కు చలవ చేస్తుంది.
నిమ్మ కొబ్బరి నూనెను కేశాలకు రాయడం వల్ల ఇందులోని పోషకాల కారణంగా చుండ్రు వేగంగా తగ్గుతుంది.
పుదీనా జ్యూస్, బేకింగ్ సోడా కలిపిన మిశ్రమాన్ని కేశాలకు రాసి 15 నిమిషాల తరువాత స్నానం చేస్తే మంచి ఫలితాలుంటాయి.
నిర్ణీత పద్ధతిలో క్రమం తప్పకుండా ఆయిల్ మస్సాజ్ చేస్తుంటే రక్త సరఫరా మెరుగుపడుతుంది. ఫలితంగా డేండ్రఫ్ తగ్గుతుంది.