ఒక్కసారైనా

దేశంలోని కొన్ని ముఖ్యమైన జలపాతాలను జీవితంలో ఒక్కసారైనా చూడాల్సినవి ఉన్నాయి. అవేంటో తెలుసుకోండి.

నోహ్స్ంగిథియాంగ్ జలపాతం

మేఘాలయ తూర్పు ఖాసీ హిల్స్ జిల్లాలో ఈ జలపాతం ఉంది. 315 మీటర్ల ఎత్తులో ఉంది. వర్షాకాలంలో ఇక్కడ ప్రకృత అందాలు చూడడానికి రెండు కళ్లు చాలవు.

దూద్‌ సాగర్ జలపాతం

గోవా సందర్శించే సమయంలో దూద్‌ సాగర్ జలపాతం కనిపిస్తుంది. పాల సముద్రంగా గుర్తింపు పొందిన ఈ జలపాతం గోవాకు వెళ్లిన వారందరూ తప్పక సందర్శించే ప్రదేశం ఇది. దక్షిణ గోవా జిల్లాలో మండోవి నదిపై ఈ జలపాతం ఉంది.

బరేహిపాని జలపాతం

ఈ జలపాతం ఒడిషాలోని మయూర్‌భంజ్ ప్రాంతంలో సిమ్లిపాల్ నేషనల్ పార్క్‌లో ఉంది. 399 మీటర్ల ఎత్తులో నుంచి ధారాళంగా కిందకు చేరుతుంది.

జోగ్ జలపాతం

ఈ జలపాతం శరావతి నదితో ఏర్పడింది. అమెరికాలోని నయాగారా జలపాతాన్ని ఇది పోలి ఉంటుంది. 253 మీటర్ల ఎత్తులో ఉన్న జలపాతం భారతదేశంలోని అత్యంత ప్రసిద్ధ జలపాతాలలో ఒకటి. అద్భుతమైన ప్రకృతి సౌందర్యం తిలకించాలంటే ఇక్కడకు వెళ్లాల్సిందే.

కుంచికల్ జలపాతం

ఇది భారతదేశంలోనే అతి పెద్ద జలపాతం. సముద్ర మట్టానికి 455 మీటర్ల ఎత్తులో ఉంటుంది. కర్ణాటకలోని శివమొగ్గ జిల్లాలో ఈ జలపాతం ఉంది. దట్టమైన వృక్షసంపదతో ఉన్న ఈ జలపాతం జలవిద్యుత్ ప్రాజెక్టులో ఒక భాగం.

మీన్‌ముట్టి జలపాతం

ఇది కేరళలోని వాయనాడ్ ప్రాంతంలో ఉంది. పచ్చని పశ్చిమ కనుమల అడవుల్లో 300 మీటర్ల ఎత్తులో ఈ జలపాతం ఉంది.

తలైయార్ జలపాతం

ఈ జలపాతం తమిళనాడులోని దిండిగల్ జిల్లాలో ఉంది. 297 మీటర్ల ఎత్తులో ఉన్న ఈ జలపాతం తమిళనాడులోనే అత్యంత పెద్దది.

హోగెనక్కల్ జలపాతం

తమిళనాడులోని ధర్మపురి జిల్లాలో కావేరీ నదిపై ఉన్న ఈ జలపాతం 259 మీటర్ల ఎత్తులో ఉంది. ఈ జలపాతం ఔషధ గుణాలు ఉందని చెబుతున్నారు. ఇక్కడ పడవ ప్రయాణాలకు అనువుగా ఉంటుంది.

నోహ్కలికై జలపాతం

మేఘాలయలోని తూర్పు ఖాసీ హిల్స్ జిల్లాలో ఈ జలపాతం ఉంది. దట్టమైన అటవీ ప్రాంతంలో కొలువుదీరిన ఈ జలపాతం ఎత్తు 340 మీటర్లు.