వేసవికాలంలో మనకి మామిడి పండ్లు బాగా దొరుకుతాయి. మరి ఈ సీజనల్ ఫ్రూట్ తో నోరూరించే బొబ్బట్లు ఎలా చేయొచ్చు ఒకసారి చూద్దాం..
ఒక గిన్నెలో గోధుమ పిండిని వేసి ఉప్పు కలిపి కాస్త గోరువెచ్చని నీళ్లు పోసుకుని చపాతీ ముద్దలా కలిపి పెట్టుకోవాలి. దీన్ని మూత పెట్టి కొద్దిసేపు పక్కన వదిలేయాలి.
ముందుగా ఒక కప్పు మామిడిపండు గుజ్జుని, పావు కప్పు కొబ్బరి తురుముని మిక్సీలో వేసుకుని రుబ్బుకోండి
ఆ తరువాత స్టవ్ మీద కళాయి పెట్టి ఒక టేబుల్ స్పూన్ నెయ్యి వేసి, అందులోనే పచ్చి కొబ్బరి తురుమును కూడా వేసి వేయించి తర్వాత పావు కప్పు బెల్లం తురుమును వేయాలి.
ఈ మిశ్రమం మొత్తం కలుపుకున్న తర్వాత మిక్సీలో పేస్ట్ లా చేసుకున్న మామిడి గుజ్జును కూడా వేసి బాగా కలుపుకోవాలి.
ఇప్పుడు దీనిని చిన్న మంట మీద వండుతూ హల్వా లాగా దగ్గరకు వచ్చేలా చేసుకోవాలి
అందులోనే పావు స్పూన్ యాలకుల పొడిని వేసి బాగా కలిపి చల్లార్చాలి. స్టవ్ ఆఫ్ చేయాలి.
ఆ తరువాత మామిడిపండు మిశ్రమాన్ని చిన్నచిన్న పూర్ణాల చుట్టూ కొని పెట్టుకోండి.
చపాతీ పిండిలో నుంచి కొంచెం కొంచెం పిండి తీసుకుంటూ.. పూరీలా ఒత్తుకొని మధ్యలో ఈ మామిడిపండు పూర్ణాలను పెట్టి మరిచి ఒత్తుకొంది.
ఇలా ఒత్తుకున్నాక ఈ బొప్పట్లను స్టవ్ మీద పెనం పెట్టి నెయ్యి రాసి వీటిని కాల్చుకోవాలి. అంతే ఎంతో రుచికరమైన బొబ్బట్లు రెడీ అవుతాయి.