అందంగా కనిపించాలని అందరు కోరుకుంటారు. చర్మం తెల్లగా మెరిచేందుకు రకరకాల ఉత్పత్తులను వాడుతుంటారు. కొన్ని తాత్కాలిక ఫలితాన్ని ఇస్తాయి. అందులోని రసాయనాల వల్ల చర్మానికి హాని కలుగుతుంది.
ముఖం మెరిసిపోవడంతోపాటు కాంతివంతంగా చేయడంలో సహాయపడే సహజ గృహ నివారణలు ఉన్నాయి. ఈ పదార్థాలతో మీ ముఖం తెల్లగా, మెరిసిపోయేలా చేసుకోవచ్చు.
నిమ్మరసంలో సిట్రిక్ యాసిడ్ సహజ బ్లీచింగ్ ఏజెంట్ గా పనిచేస్తుంది. నిమ్మరసంలో కాటన్ బాల్ ముంచి చర్మానికి అప్లయ్ చేయండి. 15 నిమిషాల తర్వాత గోరువచ్చని నీటితో శుభ్రం చేయండి.
కలబంద స్కిన్ పిగ్మెంటేషన్‌ను తేలికపరిచి..మొత్తం స్కిన్ టోన్‌ని మెరుగుపరుస్తుంది. జెల్‌ను నేరుగా మీ చర్మానికి అప్లై చేయండి. దీన్ని 20-30 నిమిషాలు అలాగే ఉంచి నీటితో శుభ్రం చేసుకోండి.
తేనెలో యాంటీ బ్యాక్టీరియల్ లక్షణాలు ఉంటాయి. ఇది సహజ మాయిశ్చరైజర్‌గా పనిచేస్తుంది. తేనెను ముఖానికి అప్లై చేసి 20 నిమిషాలు ఉంచాలి. గోరు వెచ్చని నీటితో శుభ్రం చేయాలి.
కీర దోసకాయ రసం తీసి అందులో దూదిని ఉపయోగించి మీ చర్మానికి రసాన్ని పూయండి.15-20 నిమిషాలు అలాగే ఉంచి, ఆపై నీటితో శుభ్రం చేసుకోండి.
బొప్పాయిలో పాపైన్ అనే ఎంజైమ్ ఉంటుంది. పండిన బొప్పాయిని మెత్తని పేస్ట్‌గా మాష్ చేయండి. చర్మానికి అప్లై చేసి 15-20 నిమిషాల పాటు ఉంచి నీటితో శుభ్రం చేసుకోండి.
పాలలో లాక్టిక్ యాసిడ్ ఉంటుంది.పచ్చి పాలలో దూదిని ముంచి మీ చర్మానికి అప్లై చేయండి. 15-20 నిమిషాలు అలాగే ఉంచి, ఆపై గోరువెచ్చని నీటితో శుభ్రం చేసుకోండి.