పురుగుతో కోటీశ్వరులవడమంటే ఆశ్చర్యంగా ఉందా..నిజమే. ఈ పురుగు ఉంటే ఇంట్లో కూర్చుని కోట్లు సంపాదించవచ్చు.

ఇదొక అరుదైన అత్యంత ఖరీదైన కీటకం. ఇది మీ చేతికి చిక్కిందంటే మీ అదృష్టం మారిపోయినట్టే లేదా మీ దశ తిరిగినట్టే

ఈ కీటకం పేరు స్టాగ్ బీటిల్. ఇది చాలా అరుదైనది కాబట్టి చాలా ఖరీదెక్కువ. స్టాగ్ బీటిల్ ఉంటే రాత్రికి రాత్రి కోటీశ్వరులు కావచ్చంటారు

సైంటిఫిక్ డేటా జర్నల్ అధ్యయనం ప్రకారం ఈ కీటకాలు అటవీ పర్యావరణంలో కీలకపాత్ర పోషిస్తాయి. చెక్కలపై ఆధారపడి జీవించే కీటకం ఇది.

లండన్‌కు చెందిన నేచురల్ హిస్టరీ మ్యూజియం ప్రకారం స్టాగ్ బీటిల్ పురుగు బరువు 2-6 గ్రాములుంటుంది. 3-7 ఏళ్లు జీవిస్తుంది. మగ పురుగులు 35-70 మిల్లీమీటర్ల పొడవుంటే ఆడ పురుగులు 30-50 మిల్లీమీటర్ల పొడవుంటాయి.

ఈ కీటకాలను వివిధ రకాల చికిత్సల్లో వీటిని వినియోగిస్తారు. ఇవి ఎక్కువగా ఉష్ణమండల ప్రాంతాల్లో జీవిస్తాయి. వీటికి చలి పడదు. అడవుల్లో ఎక్కువగా ఉంటాయి. కొన్ని సందర్భాల్లో తోటలు, పార్కుల్లో కన్పించవచ్చు.

ఇవి సంతానోత్పత్తి సమయంలో ఆడ పరుగులతో జత కట్టేందుకు వీటికి ముందుండే కొండీలతో పరస్పరం కొడుతుంటాయి. ఈ కొమ్ములు మగ జింక కొముల్ని పోలి ఉండటంతో వీటికి స్టాగ్ బీటిల్స్ అనే పేరు వచ్చింది.

ఇవి చెట్ల నుంచి సాప్ అనే ద్రవాన్ని, కుళ్లిన పండ్లలో కారే స్రావాలను తింటాయి. లార్వా దశలో ఇవి తీసుకునే ఆహారం నుంచి వచ్చే శక్తి ఆధారంగా జీవిస్తాయి. తొలిదశలో కలపను చీల్చి తింటాయి. మృత వృక్షాల్నే తింటాయి.