16 ఏళ్ల నిరీక్షణకు తెరదించుతూ ఆర్సీబీ జట్టు టైటిల్ గెలుచుకుంది. ఉమెన్స్ ప్రీమియర్ లీగ్ ఫైనల్లో ఆ జట్టు ఢిల్లీని ఓడించి ట్రోఫీని గెలుచుకుంది.

ఇటీవల ఆర్‌సీబీ అన్‌బాక్స్ ఈవెంట్‌ జరిగింది. ఈ కార్యక్రమంలో పురుషుల జట్టుతోపాటు మహిళల జట్టు కూడా పాల్గొని సందడి చేసింది.

ఈ ఈవెంట్ లో ఆర్‌సీబీ మహిళా జట్టుకు గౌరవ వందనంతో స్వాగతం పలకడంతోపాటు సన్మానం కూడా చేశారు.

ఈ సందర్భంగా మహిళా ప్లేయర్లు అందరూ విరాట్ కోహ్లీని కలిశారు. దాంతో వారందరి ఆనందానికి అవధుల్లేకుండా పోయింది.

ఇక శ్రేయాంక పాటిల్‌ గురించి చెప్పాల్సిన అవసరం లేదు. విరాట్‌ను చూసి శ్రేయాంక పిచ్చెక్కిపోయింది.

అంతేకాకుండా అతడితో దిగిన ఫోటోను షేర్ చేసింది. కోహ్లీ నన్ను గుర్తు పట్టడం ఆశ్చర్యానికి గురిచేసిందని ఆమె తెలిపింది.

ఆర్‌సీబీ స్టార్ ఆశా శోభన కూడా విరాట్ కోహ్లీని కలుసుకుని తన ఆనందాన్ని వ్యక్తం చేసింది.

మరో ఫ్లేయర్ మేఘన కూడా ఒక ఫోటోను షేర్ చేసింది మరియు ఈవెంట్‌లో టైటిల్ విజయాన్ని కూడా ఆస్వాదించింది.

కొత్త జెర్సీ లాంచ్: రాబోయే సీజన్ కోసం కొత్త జెర్సీని అన్‌బాక్సింగ్ ఈవెంట్ సందర్భంగా విడుదల చేసింది ఆర్సీబీ.

మార్చి 22న తొలి మ్యాచ్‌: ఆర్‌సీబీ తన తొలి మ్యాచ్‌ని మార్చి 22న డిఫెండింగ్‌ ఛాంపియన్‌ చెన్నై సూపర్‌ కింగ్స్‌తో చెపాక్‌లో ఆడనుంది.