మార్చి 24న లక్నో సూపర్ జెయింట్‌, రాజస్థాన్ రాయల్స్ మధ్య మ్యాచ్ జరిగింది.

జైపూర్ వేదికగా జరిగిన ఈ మ్యాచ్ లో రాజస్థాన్ కెప్టెన్ సంజూ శాంసన్ అద్భుతమైన ఇన్నింగ్స్ ఆడాడు.

ఈ సీజన్ లో ఆడిన తొలి మ్యాచ్‌లోనే 52 బంతుల్లో 82 పరుగులు చేసి నాటౌట్‌గా నిలిచాడు శాంసన్.

ఇందులో ఆరు సిక్సర్లు, మూడు ఫోర్లు ఉండటం విశేషం. అతని స్ట్రైక్ రేట్ 157.69.

రికార్డు: 2020 నుంచి ప్రతి సంవత్సరం ఆడిన ప్రతి సీజన్ తొలి మ్యాచ్ లో శాంసన్ ఖచ్చితంగా హాఫ్ సెంచరీ చేస్తున్నాడు. ఇది ఒక రికార్డు అనే చెప్పాలి.

2020లో చెన్నై సూపర్ కింగ్స్‌తో జరిగిన మ్యాచ్ లో 32 బంతుల్లో 74 పరుగులు చేసి ఔరా అనిపించాడు.

2021లో పంజాబ్ కింగ్స్‌తో జరిగిన జట్టు తొలి మ్యాచ్‌లో శాంసన్ 63 బంతుల్లో 119 పరుగులు చేశాడు.

2022లో సన్‌రైజర్స్ హైదరాబాద్‌తో జరిగిన మెుదటి మ్యాచ్‌లో శాంసన్ 27 బంతుల్లో 55 పరుగులు చేశాడు.

2023లోనూ రాజస్థాన్ తన ఫస్ట్ మ్యాచ్ ను సన్‌రైజర్స్ హైదరాబాద్‌తో ఆడింది. ఈ మ్యాచ్ లో కూడా సంజూ 32 బంతుల్లో 55 పరుగులు చేశారు.

తాజాగా 2024 సీజన్ లో కూడా లక్నో సూపర్ జెయింట్‌తో జరిగిన తొలి మ్యాచ్‌లో శాంసన్ 52 బంతుల్లో 82* పరుగులు చేశాడు.