Israel Iran war: ఇరాన్‌పై అమెరికా బాంబుల వర్షం.. భీకరంగా B2 బాంబర్లతో దాడి, ప్రకటించిన ట్రంప్..

America Entry In Israel Iran War: శాంతి.. శాంతి.. అంటూనే ఎట్టకేలకు పెద్దన్న యుద్ధంలోకి దిగాడు. ఇరాన్ పై అమెరికా దాడి చేసింది. ఈ విషయాన్ని అధికారికంగా అమెరికా అధ్యక్షుడు డోనాల్డ్ ట్రంప్ ప్రకటించారు. ప్రధానంగా ఇరాన్ లోని మూడు న్యూక్లియర్ సైట్లపై దాడి చేసినట్లు ప్రకటించారు. B2 బాంబర్లతో ఫోర్డో, నటాంజ్, ఎస్ఫహాన్ అణు కేంద్రాలపై దాడి చేసినట్టు అమెరికా అధ్యక్షుడు వెల్లడించారు. ఇప్పుడు తమ ప్లేన్లు కూడా సేఫ్ గా తిరిగి వస్తున్నాయని పేర్కొన్నారు. ప్రపంచంలో మరో ఏ దేశం సైన్యం కూడా ఇలా చేయగలిగి ఉండేది కాదు. ఇప్పుడు శాంతికి సమయం అని పోస్ట్ చేశారు ట్రంప్‌. ఆ ట్వీట్ సోషల్ మీడియాలో వైరల్ అవుతుంది. 

B2 బాంబర్లతో దాడి..
 అయితే నిన్నే మిస్సోరి ఎయిర్ బేస్‌ నుంచి పసిఫిక్ ద్వీపమైన గువం వైపు ఆరు B2 బాంబర్లను అమెరికా తరలించినట్లు అంతర్జాతీయ మీడియా తెలిపింది. ఈ నేపథ్యంలో తాజాగా ఇరాన్ పై అమెరికా దాడి విషయం బయటకు వచ్చింది. ఇక ఈ B2 బాంబర్ ప్రత్యేకత రిఫ్యుయలింగ్ చేయకుండానే 6000 నాటికలు మైళ్ళ కంటే ఎక్కువ దూరం ప్రయాణిస్తాయి.  ఇందులో ఇద్దరు వ్యక్తులు ఉంటారు. 40 వేల పౌండ్ల కంటే ఎక్కువ పేలోడు సామర్థ్యాన్ని ఇది తీసుకువెళ్తుంది. బంకర్లు సొరంగంలోకి కూడా చొచ్చుకు వెళ్తాయి. ఈ బాంబర్లను నార్త్‌ రోప్ గ్రుమ్మన్‌ కంపెనీ తయారు చేసింది.

 430 కి పైగా మృతి..
ఇరాన్ ఇజ్రాయిల్ దేశాల మధ్య జరుగుతున్న యుద్ధం నేపథ్యంలో  టెహ్రాన్, తబ్రీజ్ నగరాలపై వైమానిక దాడులు జరిగాయి. ఈ నేపథ్యంలో ఇజ్రాయిల్ పైకి ఇరాన్ ఆత్మహత్య డ్రోన్లు కూడా లాంచ్ చేసినట్లు అంతర్జాతీయ మీడియా పేర్కొంది. కాగా ఇజ్రాయిల్ దాడిలో ఇప్పటివరకు ఇరాన్లో 430 మంది ప్రజలు చనిపోయారు. 3000 మందికి పైగా గాయపడ్డారని ఆ దేశ డిప్యూటీ హెల్త్ మినిస్టర్  తెలిపారు. అయితే గతంలో ఇరాన్ పై రెండు వారాల్లో నిర్ణయం తీసుకుంటామని ప్రకటించిన పెద్దన్న.. ఇలా హఠాత్తుగా యుద్ధంలోకి దిగి ఇరాన్ పై దాడి చేశారు .

 హౌతీల ఆగ్రహం..
 అయితే అమెరికా ఇరాన్‌పై దాడి చేస్తే ఎర్ర సముద్రంలో ప్రయాణించే యూఎస్ నౌకలను ధ్వంసం చేస్తామని హౌతీలు నిన్న అమెరికాకు వార్నింగ్ ఇచ్చారు .ఇజ్రాయిల్ ఇరాన్ మధ్య జరుగుతున్న యుద్ధంలో అమెరికా పాల్గొంటుంది అన్న వార్తల నేపథ్యంలో ఈ ప్రకటన చేసింది. తాజాగా అమెరికా ఇరాన్ పై దాడి చేసింది. ఇటీవలే హౌతీలు అమెరికా మధ్య సీజ్‌ ఫైర్ ఒప్పందం కూడా కుదిరింది .

pic.twitter.com/wu9mMkxtUg

— Donald J. Trump (@realDonaldTrump) June 21, 2025

MAJOR BREAKING: Donald Trump has officially entered a war with Iran.

Once again, here’s Trump claiming then President Barack Obama will “start a war with Iran because he has absolutely no ability to negotiate. He’s weak and he’s ineffective.”

pic.twitter.com/wDkPcM9Rfr

— CALL TO ACTIVISM (@CalltoActivism) June 22, 2025

ఖమేనీ కసరత్తులు..
 ఇరాన్ పరిస్థితులు మరింత దిగజారుతున్న నేపథ్యంలో సుప్రీం లీడర్ అయతుల్లా ఖమేని వారసుడు కోసం కసరత్తు ప్రారంభించినట్లు తెలుస్తోంది .ఇందులో ప్రధానంగా ముగ్గురు పేర్లు ఆయన పరిశీలిస్తుండగా కొడుకు ముస్తాబాద్ పేరు లేకపోవడం గమనార్హం. ఇజ్రాయిల్ దాడులు ముమ్మరం చేస్తుంది. అమెరికా కూడా ఎంట్రీ ఇవ్వడంతో రహస్యమైన బంకర్ లోకి వెళ్లి ప్రస్తుతం ఖమేని దాక్కున్నట్లు సమాచారం. హత్య చేస్తారనే భయాలు కూడా ఆయన వెంటాడుతున్నాయని న్యూయార్క్ టైమ్స్ పేర్కొంది.

Also Read :  భారత్‌-పాక్‌ మధ్య యుద్ధం ఆపినా.. ఎన్ని శాంతి ఒప్పందాలు చేసినా నాకు నోబెల్‌ ప్రైజ్‌ రాదు: ట్రంప్..

Also Read :   నేటి రాశిఫలాలు.. ఈరోజు కర్కాటక రాశి జాగ్రత్త, వీళ్లు మాత్రం విందు వినోదాల్లో పాల్గొంటారు...  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.