Donald Trump: భారత్ పాక్ యుద్ధంపై ట్రంప్ కీలక వ్యాఖ్యలు.. మోడీ సర్కారు పై కాంగ్రెస్ పైర్..

Donald Trump: భారత్-పాకిస్థాన్‌ ల మధ్య అణుయుద్ధాన్ని తానే ఆపానని ఇప్పటికే చాలాసార్లు ప్రకటించిన అమెరికా అధ్యక్షుడు ట్రంప్‌ .. తాజాగా మరోసారి అవే వ్యాఖ్యలు చేశారు. నెదర్లాండ్స్‌లోని హేగ్‌లో నాటో శిఖరాగ్ర సమావేశం జరిగింది. అందులో పాల్గొన్న ట్రంప్‌ అనంతరం విలేకరులతో మాట్లాడారు. ఈ సందర్భంగా యుద్ధాలన్నీ తానే ఆపానంటూ క్రెడిట్‌ తీసుకున్నారు.  ఇరాన్‌- ఇజ్రాయెల్‌, రష్యా- ఉక్రెయిన్‌ల యుద్ధాలను గురించి కూడా ట్రంప్‌ ఈసందర్భంగా ప్రస్తావించారు. అయితే, వాటిలో అన్నింటికంటే ముఖ్యమైనది భారత్‌-పాక్‌ మధ్య నెలకొన్న ఉద్రిక్తతలని వ్యాఖ్యానించారు. ‘ వరుస ఫోన్‌కాల్స్‌తో యుద్ధం ముగించానన్నారు. మీరు ఒకరితో ఒకరు పోరాడితే మేం ఎలాంటి వాణిజ్య ఒప్పందం చేసుకోమని వారికి తేల్చిచెప్పానన్నారు. భారత ప్రధాని మోడీ  తనకు గొప్ప స్నేహితుడని.. పాక్‌ జనరల్ ఆకట్టుకునే వ్యక్తి అని.. వారు కూడా వాణిజ్య ఒప్పందమే కావాలని చెప్పారన్నారు.  అలా తామే ఆ అణు యుద్ధాన్ని ఆపానని ట్రంప్‌  చెప్పడం ఇపుడు తీవ్ర వివాదాస్పదం అవుతోంది. 

ఇక, ట్రంప్‌ వ్యాఖ్యలను తీవ్రంగా పరిగణించిన కాంగ్రెస్‌ కేంద్రంపై విమర్శలు చేసింది. ట్రంప్ మాట్లాడిన వీడియోను కాంగ్రెస్‌ సీనియర్ నేత జై రాం రమేశ్‌ ఎక్స్‌లో పోస్టు చేశారు. దీనికి మే 10 నుంచి ట్రంప్‌ ఇలా చెప్పడం 16వసారి అని అసహనం వ్యక్తంచేశారు. ఆ పార్టీ నేత పవన్‌ ఖేరా కూడా.. ట్రంప్‌ ఒత్తిడికి లొంగిపోయి ప్రధాని భారత ప్రయోజనాలను తుంగలోతొక్కారని వ్యాఖ్యానించారు.

కాగా.. భారత్‌, పాక్‌ల మధ్య జరిగిన కాల్పుల విరమణ ఒప్పందంలో అమెరికా ప్రమేయమేమీ లేదని నరేంద్ర మోడీ ఇటీవల తేల్చి చెప్పిన సంగతి తెలిసిందే. ఇది రెండు దేశాల సైన్యం చర్చలు జరిపి తీసుకున్న నిర్ణయమన్నారు.  ఇందులో మధ్యవర్తి ఎవరూ లేరని స్పష్టంచేశారు. ఇదే విషయాన్ని తాను స్వయంగా అమెరికా అధ్యక్షుడికి ఫోన్‌లో చెప్పానని ప్రధాని తెలిపారు. ఆ తర్వాత ట్రంప్‌ కూడా ఈ ఒప్పందంలో తన జోక్యమేమీ లేదని.. ఆ రెండు దేశాలే ఉద్రిక్తతలను పరిష్కరించుకున్నాయని వ్యాఖ్యానించారు. ఈక్రమంలో ట్రంప్‌ మరోసారి క్రెడిట్‌ తీసుకోవడం గమనార్హం.

Also Read : చిరంజీవి, బాలకృష్ణ, నాగార్జున, వెంకటేష్ కలిసి నటించిన ఏకైన సినిమా తెలుసా.. !

Also Read : 16 ఏళ్ల వయసులో పెళ్లి..ఆ తర్వాత పిల్లలు..25 ఏళ్ల వయసులో విడాకులు.. ఆ తర్వాత మూవీ ఇండస్ట్రీని ఏలిన హీరోయిన్..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.