Modi's US Tour: ఫిబ్రవరి 12న అమెరికాకు ప్రధాని..వైట్ హౌస్ లో విందు..మోదీ అమెరికా టూర్ షెడ్యూల్ ఇదే

Modi's US tour schedule : ప్రధానమంత్రి నరేంద్ర మోదీ ఫిబ్రవరి 12 నుండి రెండు రోజుల అమెరికా పర్యటనకు వెళ్లనున్నారు. అక్కడ వాణిజ్యం, రక్షణ సహా అనేక అంశాలపై అమెరికా అధ్యక్షుడు డొనాల్డ్ ట్రంప్‌తో చర్చలు జరపనున్నారు. అధికారిక సమాచారం ప్రకారం.. మోదీ తన రెండు రోజుల పారిస్ పర్యటనను ముగించుకున్న తర్వాత వాషింగ్టన్ డిసికి వెళతారని చెప్పారు. ఫిబ్రవరి 12 సాయంత్రం ప్రధాని అమెరికా రాజధానికి చేరుకుంటారని, మరుసటి రోజు ఆయన, ట్రంప్ మధ్య చర్చలు జరిగే అవకాశం ఉందని వర్గాలు తెలిపాయి. ఈ సమయంలో, ట్రంప్ స్వయంగా ప్రధాని మోదీకి విందు ఏర్పాటు చేయవచ్చు.

ప్రధానమంత్రి మోదీ పూర్తి కార్యక్రమం:

-ఫ్రాన్స్ పర్యటన ముగించుకున్న తర్వాత, ప్రధాని మోదీ ఫిబ్రవరి 12 సాయంత్రం వాషింగ్టన్ డీసీ చేరుకుంటారు. 

- ఫిబ్రవరి 14 వరకు అమెరికా రాజధానిలో ఉంటారు.

Also Read: Maha kumbhmela: నదిలో శవాలను పారేశారు.. కుంభమేళ తొక్కిసలాటపై ఎంపీ సంచలన వ్యాఖ్యలు..

-మోదీ ఫిబ్రవరి 13న వాషింగ్టన్ డీసీలో అమెరికా అధ్యక్షుడు డొనాల్డ్ ట్రంప్‌ను కలుస్తారు. 

-ట్రంప్ తన పర్యటన సందర్భంగా ప్రధాని మోదీకి విందు ఏర్పాటు చేయనున్నారు. 

-ప్రధానమంత్రి మోదీ అమెరికన్ కార్పొరేట్ ప్రపంచం, అమెరికన్-ఇండియన్ కమ్యూనిటీకి చెందిన వ్యక్తులను కూడా కలుస్తారు. 

ఏ అంశాలపై చర్చ జరుగుతుంది?

-వాణిజ్యం, పెట్టుబడులను ప్రోత్సహించడంపై చర్చ.

-భారత్-అమెరికా రక్షణ సంబంధాలను మరింత బలోపేతం చేయడంపై దృష్టి

-ఇండో-పసిఫిక్ ప్రాంతంలో సహకారంపై చర్చ.

-AI సాంకేతిక రంగంలో భారతదేశం-అమెరికా భాగస్వామ్యానికి కొత్త కోణాలను ఇవ్వడం.

Also Read: Gold Rate Today: పసిడిని పట్టుకోలేమా? అందనంత ఎత్తుకు బంగారం..తులం 86వేలు..త్వరలోనే లక్ష ఖాయం  

-ట్రంప్ రెండవ పదవీకాలంలో ప్రధాని మోదీ తొలి పర్యటన

-నవంబర్‌లో జరిగిన ఎన్నికల్లో విజయం సాధించిన తర్వాత జనవరి 20న ట్రంప్ రెండోసారి అధ్యక్షుడిగా బాధ్యతలు స్వీకరించిన తర్వాత ఇది ప్రధానమంత్రి అమెరికాకు చేస్తున్న మొదటి ద్వైపాక్షిక పర్యటన అవుతుంది.

- ట్రంప్ పరిపాలన అధికారంలోకి వచ్చిన కొన్ని వారాలలోపు ద్వైపాక్షిక పర్యటన కోసం వాషింగ్టన్ డిసిని సందర్శించే కొద్దిమంది విదేశీ నాయకులలో మోడీ ఒకరు. 

-అంతకుముందు, అధ్యక్ష ఎన్నికల్లో విజయం సాధించిన డొనాల్డ్ ట్రంప్‌కు ప్రధానమంత్రి నరేంద్ర మోదీ ఫోన్‌లో అభినందనలు తెలిపారు. ఫిబ్రవరి 10 మరియు 11 తేదీలలో జరిగే 'ఆర్టిఫిషియల్ ఇంటెలిజెన్స్ యాక్షన్ సమ్మిట్'లో పాల్గొనడానికి ప్రధానమంత్రి పారిస్ వెళ్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Facebook, Twitter