India - Pak War: భారత్-పాకిస్థాన్ మధ్య నెలకొన్న పరిణామాలను తాము నిశితంగా గమనిస్తున్నామని తెలిపింది అగ్ర రాజ్యం అమెరికా. పరిస్థితిని చక్కదిద్దేలా బాధ్యతాయుతమైన పరిష్కారం కోసం ఇరు దేశాలు కలిసి పనిచేయాలని కోరుకుంటున్నామన్నారు. ఉగ్రదాడి విషయంలో భారత్‌కు వాషింగ్టన్‌ అండగా ఉంటుందని పునరుద్ఘాటించారు. అంతకు ముందు డొనాల్ట్ ట్రంప్‌ కూడా దీనిపై మాట్లాడుతూ.. పహల్గాం దాడి చెత్త పని అని పేర్కొన్నారు. కశ్మీర్‌ సమస్యను భారత్-పాక్‌ కలిసి పరిష్కరించుకుంటాయని తెలిపారు.
మరోవైపు పహల్గాం ఉగ్రదాడి నేపథ్యంలో పాక్‌ విదేశాంగశాఖ మంత్రి ఇశాక్‌ దార్‌తో ఫోన్‌లో మాట్లాడిన చైనా విదేశాంగశాఖ మంత్రి ఢిల్లీ - ఇస్లామాబాద్‌ల మధ్య పరిణామాలను నిశితంగా పరిశీలిస్తున్నట్లు తెలిపారు. ఈ సందర్భంగా ఉగ్రదాడిపై నిష్పక్షపాత దర్యాప్తునకు మద్దతు ఇస్తామన్నారు. ప్రస్తుత పరిస్థితుల్లో భారత్- పాకిస్థాన్‌లు సంయమనం పాటించాలని చైనా భావిస్తున్నట్టు తెలిపారు. పరస్పరం ముందుకు సాగాలని, ఉద్రిక్తతలను తగ్గించేందుకు కృషి చేయాలన్నారు. ఉగ్రవాదంపై పోరాటం అన్ని దేశాల ఉమ్మడి బాధ్యత అని స్పష్టం చేసినట్లు చైనా మీడియా తెలిపింది.
26 మందిని పొట్టనపెట్టుకున్న పహల్గాం ఉగ్రదాడిని అమానవీయ చర్యగా అంతకు ముందు డ్రాగన్‌ పేర్కొంది. కాగా పహల్గాం ఉగ్రదాడి దర్యాప్తు వ్యవహారంలో రష్యా, చైనాలు జోక్యం చేసుకోవాలని పాకిస్థాన్ కోరుకుంటున్నట్లు సమాచారం. ఉగ్రదాడి ఘటన దర్యాప్తు విషయంలో రష్యా, చైనా లేదా పశ్చిమ దేశాలు సానుకూల పాత్ర పోషించాలని పాక్‌ కోరుకుంటోంది. ఇక పహల్గామ్‌ ఉగ్రదాడిని ఖండిస్తూ పలు దేశాల్లో ప్రవాస భారతీయులు నిరసన ప్రదర్శన చేపట్టారు. అమెరికా, ప్యారిస్‌, ఇంగ్లండ్‌ దేశాల పాకిస్థాన్ హై కమిషన్‌ వద్ద ఆందోళన కొనసాగాయి. మృతులకు నివాళులు అర్పించి వారి కుటుంబాలకు సానుభూతి తెలిపారు. దాడికి తెగబడ్డ ఉగ్రవాదులను కఠినంగా శిక్షించాలని డిమాండ్‌ చేశారు.
ఇదీ చదవండి: బడా స్టార్స్ సహా 900 సినిమాల్లో నటించిన నటి.. భర్త చనిపోవడంతో తాగుడుకు బానిసై జీవితం నాశనం..
ఇదీ చదవండి: ఈ చెట్లు ఉంటే.. పాములకు మీ ఇంట్లోకి రెడ్ కార్పెట్ పరిచినట్టే.. తస్మాత్ జాగ్రత్త..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
