 "Israel Iran War: భీకర స్థాయికి ఇరాన్, ఇజ్రాయిల్ యుద్ధం.. అమెరికా ఎంట్రీతో మూడో ప్రపంచ యుద్ధం మొదలైనట్టేనా..!")
Israel Iran War:కెనడా నుంచి హుటాహుటిన అమెరికా వచ్చి నేషనల్ సెక్యూరిటీ టీమ్ తో ట్రంప్ ఎమర్జెన్సీ మీటింగ్ ఏర్పాటు చేశారు. గంటన్నర పాటు ఇరాన్-ఇజ్రాయెల్ యుద్ధంపై సమీక్ష నిర్వహించారు. అంతే కాదు ఇరాన్ ను లేపేయాలని ట్రంప్ గట్టి నిర్ణయం తీసుకున్నారు. ఇజ్రాయెల్ కు మద్దతుగా ట్రంప్ యుద్ధంలోకి ఎంట్రీ అవ్వటంతో...ఇరాన్ కు మద్దతుగా 21 ముస్లీం దేశాలు యుద్ధనికి రెడీ అవుతున్నట్లు తెలుస్తోంది. ఇప్పటికే పాకిస్తాన్ ఇరాన్ కు బహిరంగ మద్దతు తెలిపింది. అలాగే ఇప్పటికే ఇరాన్ కూడా ట్రంప్ పై ముస్లిం దేశాలతో ఒత్తిడి తెచ్చేలా ప్లాన్ చేసింది. అయితే ఈ ప్లాన్ బెడిసి కొట్టడడమే కాకుండా... ఇరాన్ ను మట్టుపెట్టేందుకు పూర్తి స్థాయిలో యుద్ధంలోకి దిగుతున్నారు డొనాల్డ్ ట్రంప్. దీంతో అటు ఇరాన్ కు మద్దతు ఇస్తున్న రష్యా తమ మిలటరినీ రంగంలోకి దింపే అవకాశం ఉంది. ఇక పాకిస్తాన్ కు మద్దతుగా ఉన్న చైనా కూడా అమెరికాకు వ్యతిరేకంగా ఈ యుద్ధంలో పాల్గొంటాయి. దీంతో దాదాపు మూడో ప్రపంచ యుద్ధం ఖరారు అయినట్లు తెలుస్తోంది.
ఇరాన్, ఇజ్రాయెల్ మధ్య యుద్ధం మరింత భీకరంగా మారుతోంది.ఇజ్రాయెల్ తో కలిసి అమెరికా కూడా ఇరాన్పై విరుచుకుపడేందుకు సిద్ధమైంది.అమెరికా అధ్యక్షుడు డొనాల్డ్ ట్రంప్.. భద్రతా బృందంతో 80 నిమిషాల పాటు సమావేశం నిర్వహించారు. ఈ సందర్బంగా ఇరాన్పై దాడుల గురించి చర్చించారు.
ఇక, జీ-7 కూటమి శిఖరాగ్ర సదస్సులో పాల్గొనేందుకు కెనడాకు చేరుకున్న అమెరికా అధ్యక్షుడు డొనాల్డ్ ట్రంప్ షెడ్యూల్ కంటే ఒకరోజు ముందే హఠాత్తుగా స్వదేశానికి వెళ్లిపోయారు. కెనడాలో జరగాల్సిన కీలక భేటీలను రద్దు చేసుకున్నారు. ఇజ్రాయెల్–ఇరాన్ యుద్ధం ఉధృతంగా మారుతుండటంతో తాజా పరిస్థితిని ఎప్పటికప్పుడు సమీక్షించడానికే ఆయన అమెరికా చేరుకున్నారు. అమెరికా వెళ్లిన అనంతరం, అమెరికా జాతీయ భద్రతా బృందంతో ట్రంప్ సమావేశమయ్యారు. దాదాపు 80 నిమిషాల పాటు యుద్ధ పరిస్థితులపై సమీక్షించారు. చర్చల అనంతరం టెహ్రాన్లోని న్యూక్లియర్ కేంద్రాలపై దాడులు చేసేందుకు ఇజ్రాయెల్తో కలిసి ముందుకు వెళ్లేందుకు నిర్ణయం తీసుకున్నారు. ఈ మేరకు సీనియర్ నిఘా అధికారి ఒకరు తెలిపారు. దీంతో, ఇరాన్పై దాడులు మరింత తీవ్రతరం కానున్నాయి.
ఇదిలా ఉండగా.. అంతకుముందే ట్రంప్.. ఇజ్రాయెల్ దాడులు భీకరంగా మారే అవకాశం ఉన్న నేపథ్యంలో ప్రజలంతా సురక్షిత ప్రాంతాలకు చేరుకోవాలని చెప్పారు. యుద్ధం ఆగాలా? లేక కొనసాగాలా? అనేది ఇరాన్ చేతుల్లోనే ఉందని అమెరికా అధ్యక్షుడు పరోక్షంగా తేల్చిచెప్పారు. ఇంకా ఆలస్యం కాకముందే ఆణు కార్యక్రమానికి తెరదించాలని ఇరాన్కు ట్రంప్ హితవు పలికారు. దాడులు ఆగాలంటే అణ్వస్త్రాల ఆలోచన మానుకోవాలన్నారు. ఇజ్రాయెల్తో ఒప్పందానికి రావాలని సూచించారు. ఒప్పందం విషయంలో ఇప్పటికే 60 రోజుల సమయం లభించినా ఇరాన్ పాలకులు సద్వినియోగం చేసుకోలేదని తప్పుపట్టారు. మరో గత్యంతరం లేక ఇజ్రాయెల్ సైన్యం ఇరాన్పై దాడులకు దిగిందని అభిప్రాయపడ్డారు.
ఇదే టైంలో ఇరాన్ సుప్రీం లీడర్ ఖమేనీ ఎక్కడ దాక్కున్నారో తమకు స్పష్టంగా తెలుసని అటు అమెరికా, ఇజ్రాయిల్ రెండు ప్రకటించాయి. ఆయన్ను లక్ష్యంగా చేసుకోవడం మాకు చాలా తేలికంది. ప్రస్తుతానికి ఖమేనీని చంపే ఉద్దేశం తమకు లేదని ప్రకటించాయి. అయితే, పౌరులు లేదా అమెరికా సైనికులపై క్షిపణి దాడులు చేయడాన్ని సహించే ప్రసక్తే లేదన్నారు. సుప్రీం లీడర్ బేషరతుగా లొంగిపోతే మంచిది అని స్పష్టం చేశారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
)