
Israel Iran War Airports Closed: ఇరాన్ ఇజ్రాయెల్ యుద్ధం నేపథ్యంలో గగనతలాలపై ఆంక్షలు విధించారు. ఈ నేపథ్యంలో లక్షలాదిమంది పౌరులు చిక్కుకుపోయే అవకాశం ఉంది. ముదురుతున్న యుద్ధం నేపథ్యంలో ఇరాన్ కూడా తమ గగనతలం పూర్తిగా మూసి వేస్తున్నట్లు ప్రకటించింది. ఇక ఇజ్రాయెల్ కూడా అత్యంత కీలకమైన తమ అంతర్జాతీయ విమానశ్రయాన్ని మూసి వేసింది. ఇక లెబనాన్, జోర్డాన్, ఇరాక్లు కూడా విమానాల రాకపోకలు ఇరాన్, ఇజ్రాయెల్ యుద్ధం నేపథ్యంలో రాకపోకలు నిలిపివేసినట్లు సమాచారం. ఈ చర్యతో వేలాదిమంది పౌరులు ఈ ప్రాంతాల్లో ఉన్నవారు చిక్కుకుపోయే అవకాశం ఉంది.
రంగంలోకి 21 ముస్లిం దేశాలు..
ఇజ్రాయెల్ ఇరాన్ యుద్ధం నేపథ్యంలో రంగంలోకి 21 దేశాలు దిగాయి. ప్రధానంగా ఇజ్రాయెల్ చర్యను ఖండిస్తున్నాయి. తక్షణమే సీజ్ఫైర్ అమలు చేయాలని కోరాయి. మిడిల్ ఈస్ట్ దేశాలు అణ్వాయుధ రహితంగా ఉండాలని పిలుపునిచ్చాయి. ఈ నేపథ్యంలో తక్షణమే ఎన్పీటీలో జాయిన్ అవ్వాలని పిలుపునిచ్చాయి. ఈజిప్ట్, కువైట్, లిబియా, ఒమన్, పాక్, ఖతర్, సౌదీ, సుడాన్, సోమాలియా, మరిటానియా, గాంబియా, తుర్కియే, యూఏఈ, కొమొరాస్, జిబూటి సంయుక్తంగా లేఖ విడుదల చేశాయి.
ఇదిలా ఉండగా గల్ఫ్ దేశాలపై ఒత్తిడి తెచ్చేందుకు ఇరాన్ గట్టిగానే ప్రయత్నం చేస్తోంది. ప్రధానంగా ఖతర్, సౌదీ ఆరేబియా, ఒమన్ దేశాలను టెహ్రాన్ ఆశ్రయించినట్లు తెలుస్తోంది. ట్రంప్పై ఒత్తిడి తీసుకురావాలని అరబ్ దేశాలను ఇరాన్ కోరినట్లు సమాచారం. ఇజ్రాయెల్ తక్షణమే కాల్పుల విరమణ ఒప్పందాన్ని అంగికరించేలా చేయాలని తీర్మానించాయి.
సీజ్ఫైర్కు ట్రంప్ భారీ ఆఫర్..
ఇరాన్ ఇజ్రాయెల్ మధ్య యుద్ధం తారాస్థాయికి చేరుకున్న నేపథ్యంలో యూఎస్ అధ్యక్షుడు డోనాల్డ్ ట్రంప్ అమాయిక పౌరుల ప్రజల ప్రాణాలు కాపాడేందుకు ఓ ప్రపోజల్ తయారు చేసినట్లు సమాచారం. ప్రత్యక్షంగా అమెరికా అధ్యక్షుడు రంగంలోకి దిగినట్లు ఫ్రాన్స్ అధ్యక్షుడు ఇమ్మానుయేల్ మాక్రోన్ తెలిపారు. ప్రధానంగా ఇరు దేశాలను సీజ్ ఫైర్కు ఒప్పించేందుకు డోనాల్డ్ ట్రంప్ ఓ భారీ ఆఫర్ కూడా ఇవ్వనున్నట్లు సమాచారం. ఆ దేశాలు ఎలా స్పందిస్తాయో ముందు ముందు తెలుస్తుంది.
తర్వాత మీరే టార్గెట్..
యుద్ధం నేపథ్యంలో ఇజ్రాయెల్ కీలక వ్యాఖ్యలు చేసింది. ఇరాన్ను మేం ఆపకపోతే ఆ నెక్ట్స్ టార్గెట్ మీరే అని ఇజ్రాయెల్ డిఫెన్స్ ఫోర్సెస్ (IDF) ప్రపంచ దేశాలను హెచ్చరిస్తూ ఓ వీడియో కూడా విడుదల చేసింది. ప్రధానంగా ఇరాన్, కజకిస్థాన్, హంగేరీ, ఇటలీ, ఫ్రాన్స్, బెల్జియం, చైనా, కెనడా, స్వీడన్, రోమెనియా, పోలాండ్ ఆస్ట్రీయా, ఉక్రెయిన్లను ఇరాన్ ధ్వంసం చేస్తుందని హెచ్చరించింది ఐడీఎఫ్.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook