Israel Hamas War: హమాస్‎కు మరో భారీ దెబ్బ.. టాప్ లీడర్‎ను లేపేసిన ఇజ్రాయెల్..!!

Israel Hamas War: హమాస్ కు మరో బిగ్ షాక్ తగిలింది. ఇజ్రాయెల్ డిఫెన్స్ ఫోర్స్, ఐడిఎఫ్ గాజా నగరంలోని సబ్రా ప్రాంతాన్ని లక్ష్యంగా చేసుకుని దాడులకు పాల్పడింది. ఈ వైమానిక దాడిలో హమాస్ టాప్ కమాండర్ హకీం మొహమ్మద్ ఇస్సా అల్ ఇస్సాను మట్టుబెట్టినట్లు పేర్కొంది.ఈ సమాచారాన్ని ఐడీఎఫ్ ట్వీట్ చేసింది. ఐడీఎఫ్ తెలిపిన వివరాల ప్రకారం..హమాస్ టాప్ కమాండర్ అల్-ఇస్సా 2023 అక్టోబర్ 7న ఇజ్రాయెల్‌లో జరిగిన మారణహోమానికి ప్రధాన సూత్రధారి. ఉగ్రవాదులకు శిక్షణ ఇచ్చేవాడు  హమాస్ సైనిక విభాగం వ్యవస్థాపక సభ్యులలో ఒకడిగా పేర్కొంది.

ట్విట్టర్‌లో విడుదల చేసిన ప్రకటనలో ఐడిఎఫ్ ఇలా రాస్తూ.. టాప్ కమాండర్ హకీమ్ మొహమ్మద్ ఇస్సా అల్-ఇస్సా హమాస్ సైనిక బలాన్ని పెంచడానికి, ఉగ్రవాదులకు శిక్షణ ఇవ్వడానికి.. అక్టోబర్ 7 దాడిలో జరిగిన మొత్తం మారణహోమాన్ని ప్లాన్ చేయడంలో కీలక పాత్ర పోషించాడు. వైమానిక,  నావికా దాడుల కోసం హమాస్ ప్రణాళికలలో అల్ ఇస్సా కూడా ముఖ్యమైన పాత్ర పోషించిందని, అతన్ని మట్టుబెట్టినట్లు ఐడిఎఫ్ తెలిపింది. అక్టోబర్ 7, 2023న జరిగిన దాడిలో పాల్గొన్న ఉగ్రవాదులందరినీ గుర్తించి నిర్మూలించే ప్రచారాన్ని కొనసాగిస్తామని ఐడిఎఫ్,  ఇజ్రాయెల్ భద్రతా సంస్థ ఐఎస్ఎ తెలిపాయి.

Also Read: Post Office Schemes: పోస్టాఫీస్‌లోని ఈ 4 పథకాలలో పెట్టుబడి పెట్టండి.. మీ బ్యాంక్ FD కంటే ఎక్కువ వడ్డీ ఖాయం..!!   

హమాస్ టాప్ కమాండర్ ముహమ్మద్ ఇస్సా అల్-ఇస్సా హమాస్ జనరల్ సెక్యూరిటీ కౌన్సిల్ సభ్యుడు. దాని శిక్షణ ప్రధాన కార్యాలయ అధిపతి, అల్-కస్సామ్ బ్రిగేడ్స్ మిలిటరీ అకాడమీ సహ వ్యవస్థాపకుడు. అక్కడ అతను వేలాది మంది ఉగ్రవాదులకు శిక్షణ ఇచ్చాడని, సాంకేతిక సామర్థ్యాలను అభివృద్ధి చేశాడని ఐడిఎఫ్ చెబుతోంది. అల్-ఇస్సా సిరియా, ఇరాక్‌లలో పోరాట శిక్షణ పొందాడని.. 2005లో సిరియా నుండి గాజాకు వచ్చాడని, అక్కడ అతను హమాస్ సైనిక సంస్థలో కీలక సభ్యుడయ్యాడని ఐడిఎఫ్ చెబుతోంది.

Also Read: Uninterrupted Sleep: 60శాతం మంది భారతీయులకు నిద్రేలేదు.. షాకింగ్‌ విషయాలు అవుట్..!!   

అక్టోబర్ 7, 2023న, ఇరాన్ ప్రభుత్వ మద్దతుగల హమాస్ ఉగ్రవాదులు హోలోకాస్ట్ తర్వాత యూదులపై అత్యంత దారుణమైన దాడికి పాల్పడ్డారని, 1,200 మంది ఇజ్రాయెలీయులను చంపి, లైంగిక హింసకు పాల్పడ్డారని, అనేక కుటుంబాలను సజీవ దహనం చేశారు. అంతేకాదు  250 మందికి పైగా పౌరులను బందీలుగా తీసుకున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook