War in Ukraine: రష్యా దాడితో ఉలిక్కిపడ్డ ఉక్రెయిన్.. సుమీ నగరంలో 31 మంది మృతి, 80 మందికి పైగా గాయాలు

War in Ukraine: రష్యా క్షిపణి దాడితో ఉక్రెయిన్ మరోసారి ఉలిక్కిపడింది. ఈ దాడిలో దాదాపు 31 మంది ఉక్రెయిన్ పౌరులు మరణించగా, 84 మందికి పైగా గాయపడ్డారు. ఉక్రెయిన్‌లోని సుమీ నగరంలో పామ్ ఆదివారం నాడు ఈ దాడి జరిగింది.

War in Ukraine: రష్యా-ఉక్రెయిన్ యుద్ధాన్ని ముగించేందుకు అగ్రరాజ్యం అమెరికా అధ్యక్షుడు డొనాల్డ్ ట్రంప్ తీవ్రంగా శ్రమిస్తూనే ఉన్నారు. ఈ నేపథ్యంలోనే మరోసారి రెచ్చిపోయింది రష్యా. ఉక్రెయిన్ పై క్షిపణి దాడులకు పాల్పడింది. ఆదివారం రష్యా..ఈశాన్య ఉక్రెయిన్ నగరం సుమీపై క్షిపణి దాడులు నిర్వహించింది.  ష్యా చేసిన ఈ దాడి ఈ సంవత్సరం అత్యంత దారుణమైన దాడిగా పరిగణించవచ్చు. ఈ దాడిలో 31 మంది మరణించారు. 10 మంది పిల్లలు సహా 80 మందికి పైగా గాయపడ్డారని ఉక్రెయిన్ హోం మంత్రి తెలిపారు. 2023 తర్వాత ఉక్రేనియన్ పౌరులపై జరిగిన అత్యంత తీవ్రమైన దాడి ఇదేనని ఆయన అన్నారు. పామ్ సండే జరుపుకోవడానికి స్థానికులు చర్చికి భారీ ఎత్తున వెళ్లిన సమయంలో ఈ దాడి జరిగింది.

Add Zee News as a Preferred Source

ఉక్రెయిన్ అధ్యక్షుడు వోలోడిమిర్ జెలెన్స్కీ ఈ దాడిని తీవ్రంగా ఖండించారు. బాధిత కుటుంబాలకు తన సంతాపాన్ని తెలిపారు. సుమీపై భయంకరమైన రష్యన్ బాలిస్టిక్ క్షిపణి దాడి అని జెలెన్స్కీ ఇన్‌స్టాగ్రామ్‌లో ఒక పోస్ట్‌లో రాశారు. రష్యన్ క్షిపణులు ఒక సాధారణ నగర వీధిని, సాధారణ జీవన ప్రాంతాన్ని, నివాస భవనాలను, విద్యాసంస్థలను, రోడ్డుపై ఉన్న కార్లను లక్ష్యంగా చేసుకున్నాయి. పామ్ ఆదివారం జరుపుకోవడానికి ప్రజలు చర్చికి వెళ్ళే రోజున ఇది జరిగింది. తాటాకు ఆదివారం అంటే ప్రభువు జెరూసలేంలోకి ప్రవేశించిన పండుగ.

'రష్యన్ బాలిస్టిక్ క్షిపణి దాడిలో సుమీలో ఇప్పటివరకు 31 మంది మరణించినట్లు పేర్కొంది. మరణించిన వారిలో ఇద్దరు పిల్లలు కూడా ఉన్నారు. మృతుల కుటుంబాలకు, ప్రియమైనవారికి నా సానుభూతి. 'ఈ దాడిలో 10 మంది పిల్లలు సహా 84 మందికి పైగా గాయపడ్డారు' అని మరో పోస్టులో పేర్కొన్నారు జెలెన్స్కీ. క్షతగాత్రులకు  అవసరమైన సహాయం అందుతోంది. రష్యా దాడులను ఖండించడం తప్ప ఏమీ చేయలేము. యుద్ధాన్ని ముగించి ప్రజల భద్రతకు హామీ ఇవ్వడానికి రష్యాపై ఒత్తిడి తీసుకురావాలి. రష్యాపై బలమైన ఒత్తిడి తీసుకురాకపోతే.. ఉక్రెయిన్‌కు మద్దతు ఇవ్వకపోతే, రష్యా ఈ యుద్ధాన్ని కొనసాగిస్తుందని అని అన్నారు.

Станом на зараз відомо вже про 31 загиблого в Сумах після удару російських балістичних ракет. Серед загиблих – двоє дітей. Мої співчуття рідним та близьким. Понад 80 людей поранені, зокрема десять дітей. Усім надається необхідна допомога.

Дуже важливо всім у світі не мовчати, не… pic.twitter.com/WvlZK52wgZ

— Volodymyr Zelenskyy / Володимир Зеленський (@ZelenskyyUa) April 13, 2025

 కాల్పుల విరమణ కోసం అమెరికా ప్రతిపాదనను పుతిన్ విస్మరించడం ఇది రెండోసారని జెలెన్స్కీ అసహనం వ్యక్తం చేశారు.  అమెరికా మద్దతుతో కూడిన పూర్తి కాల్పుల విరమణ ప్రతిపాదనను రష్యా వరుసగా రెండోసారి కూడా తిరస్కరించిందని విదేశాంగ మంత్రి ఆండ్రీ సిబిహా తెలిపారు. ఇప్పుడే, పామ్ ఆదివారం ఉదయం, జెరూసలేంలోకి ప్రభువు ప్రవేశాన్ని జరుపుకోవడానికి స్థానికులు చర్చికి వెళ్ళినప్పుడు, రష్యా సుమీ నగరంలోని నివాస ప్రాంతంపై భయంకరమైన దాడిని ప్రారంభించింది అని సిబిహా Xలో ఒక పోస్ట్‌లో రాశారు. చాలా మంది పౌరులు మరణించారు. మరికొంతమంది గాయపడ్డారు. ఒక ప్రధాన క్రైస్తవ సెలవుదినంపై ఇటువంటి దాడి చేయడం పూర్తిగా తప్పు. రష్యా తన ఉగ్రవాదాన్ని పెంచింది. ఉక్రెయిన్‌కు అదనపు వైమానిక రక్షణ సామర్థ్యాలను అందించాలని మాస్కోపై ఒత్తిడిని పెంచాలని మేము భాగస్వాములను కోరుతున్నాము. వారికి అర్థమయ్యే ఏకైక భాష బలం,భయానకతను అంతం చేయడానికి ఏకైక మార్గమని సూచించారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook