Video: మా దాడులు చరిత్రాత్మకం.. ఇరాన్‌ అణు స్థావరాలను పూర్తిగా ధ్వంసం చేశాం: ట్రంప్

America Strikes In Iran Trump Video: అమెరికా పెద్దన్న ఇరాన్, ఇజ్రాయిల్ యుద్ధంలోకి ఎంట్రీ ఇచ్చాడు. ఈ నేపథ్యంలో ఇరాన్ పై B2 బాంబుల వర్షం కురిపించాడు. దాడి ప్రధానంగా ఇరాన్‌లోని మూడు అణు కేంద్రాలను లక్ష్యంగా చేసుకొని అమెరికా దాడి చేసింది. ఈ అటాక్ తో పాటు భవిష్యత్తు కార్యాచరణపై డోనాల్డ్ ట్రంప్ ప్రెస్ మీట్ లో మాట్లాడారు..

ఇరాన్‌లోని అణు స్థావరాలను పూర్తిగా ధ్వంసం చేశామని ట్రంప్ అధికారికంగా ప్రకటించారు. వేలాదిమంది అమెరికా, ఇజ్రాయిల్ పౌరులను ఇరాన్ చంపేసింది. ఇక అలా  కొనసాగనివ్వం ఇవాల్టి దాడులు చరిత్రాత్మకం. యూఎస్ ఇజ్రాయిల్ ఆర్మీ సంయుక్తంగా అటాక్ చేశాయి. ఇజ్రాయిల్ కు ధన్యవాదాలు నెతన్యాహు కూడా అమెరికా అధ్యక్షుడు అభినందించారు. 

 ఇక ఎన్నో రోజులుగా వస్తున్న ఊహాగానాలకు ఎట్టకేలకు అమెరికా అధ్యక్షుడు డోనాల్డ్ ట్రంప్ తెరతీశారు. ఇజ్రాయిల్, ఇరాన్ మధ్య ఉద్రిక్తతలు నెలకొడంతో న్యూక్లియర్ ప్రోగ్రాం ను వదులుకోవాలని ట్రంప్ హెచ్చరించిన ఇరాన్ పట్టించుకోలేదు. దీంతో ఆ దేశం పై దాడి చేసే విషయంపై రెండు వారాల్లో కీలక నిర్ణయం తీసుకుంటామని స్పష్టం చేసిన సంగతి తెలిసిందే. ఈలోగా అమెరికా ఇరాన్ పై విరుచుకు పడింది. తాజాగా ఇరాన్ అణు కేంద్రాలపై యుఎస్ దాడులు చేయడంతో సస్పెన్స్ కు తెరతీసింది. 

ప్రధానంగా ఇరాన్‌లో  ఫోర్డో, నటాంజ్,ఇస్ఫహాన్‌లపై అమెరికా వైమానిక దాడులు చేసింది.  భారత కాలమానం ప్రకారం ఉదయం 7:30 గంటలకు అమెరికా అధ్యక్షుడు ప్రసంగం చేశారు. ఇక అమెరికా ఇరాన్ పై దాడి చేయడంతో ఇజ్రాయిల్ ప్రధానమంత్రి బెంజమిన్ నేతన్యహు ఇది సాహసోపేతమైన చరిత్రను మార్చే అడుగుగా అభివర్ణించాడు. ఈ నేపథ్యంలో అమెరికా అధ్యక్షుడు ఒక శక్తితో చర్య తీసుకున్నారని శాంతి బలం ద్వారానే వస్తుందని మొదటి నుంచి చెప్తున్నాను అన్నారు .

Donald Trump addressing the nation following the U.S. attack on Iran.

pic.twitter.com/a3e31NF4gx

— Pop Base (@PopBase) June 22, 2025

 దాడులపై స్పందించిన ఇరాన్..
 ఇక అమెరికా ఆర్మీ ఇరాన్ పై దాడి చేసిన సంఘటన తెలిసిందే. ఈ నేపథ్యంలో ఫోర్డ్‌లోని న్యూక్లియర్ సైట్లపై దాడి జరిగింది. ఫోర్డో యూరేనియం ఎన్రిచ్మెంట్ ఫెసిలిటీలో ఒక భాగం ధ్వంసం అయినట్లు ప్రోవిన్స్‌ క్రైసిస్ మేనేజ్మెంట్ డిపార్ట్మెంట్ అధికారిక ప్రతినిధి మోర్తాజ హైదరి తెలిపారు. మరోవైపు కాషన్ డిఫెన్స్ కౌంటర్ కూడా అటాక్ గురైనట్లు వార్తలు వస్తున్నాయి. 

 ఇరాన్ ఏం చేయనుంది?
 తాజాగా ఇరాన్ ఇజ్రాయిల్ యుద్ధంలోకి అమెరికా ఎంట్రీ ఇవ్వడంతో ఇరాన్ పరిస్థితి మరింత దారుణంగా మారిపోయింది. అమెరికా బాంబుల వర్షం కురిపించిన సంగతి తెలిసిందే. మరి దీనిపై ఇరాన్ ఎలా స్పందిస్తుంది? మిడిలిస్టులో 19 అమెరికా స్థావరాలు ఉన్నాయి. వీటిలో దాదాపు 40 వేలకు పైగా యుఎస్ ట్రూప్స్‌ ఉన్నట్లు తెలుస్తోంది. ఒకవేళ అమెరికా యుద్ధంలోకి చేరితే ఈ బేస సేఫ్ గా ఉండదని ఇరాన్ గతంలోనే హెచ్చరించింది వీటిపై ఇరాన్ దాడి చేసే అవకాశం ఉంది.

Also Read :  ఇరాన్‌పై అమెరికా బాంబుల వర్షం.. భీకరంగా B2 బాంబర్లతో దాడి, ప్రకటించిన ట్రంప్..

Also Read :  భారత్‌-పాక్‌ మధ్య యుద్ధం ఆపినా.. ఎన్ని శాంతి ఒప్పందాలు చేసినా నాకు నోబెల్‌ ప్రైజ్‌ రాదు: ట్రంప్..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook