ସୁନା ନିବେଶକମାନେ ସୁରକ୍ଷିତ ସମ୍ପତ୍ତି ଭାବେ ସୁନାରେ ନିବେଶ କରିବାକୁ ଚାହୁଁଛନ୍ତି ଯାହା ସୁନାର ଚାହିଦାକୁ ବୃଦ୍ଧି କରୁଛି।
ବିଶେଷଜ୍ଞଙ୍କ ଅନୁଯାୟୀ, ଆଗାମୀ ୨ ରୁ ୩ ବର୍ଷ ମଧ୍ୟରେ ସୁନାର ମୂଲ୍ୟ ପ୍ରତି ୧୦ ଗ୍ରାମ ପିଛା ୧ ଲକ୍ଷ ଟଙ୍କାରେ ପହଞ୍ଚିପାରେ।
ମୋତିଲାଲ ଓସୱାଲର ଜଣେ ବିଶ୍ଳେଷକଙ୍କ ସୂଚନା ଅନୁଯାୟୀ, ଗତ ୫ ରୁ ୧୦ ବର୍ଷ ମଧ୍ୟରେ ସୁନା ମୂଲ୍ୟ ବାର୍ଷିକ ପ୍ରାୟ ୧୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି।
ଯଦି ଏହିପରି ବୃଦ୍ଧି ଆଗକୁ ମଧ୍ୟ ଜାରି ରହେ, ତେବେ ସୁନାର ମୂଲ୍ୟ ୧ ଲକ୍ଷ ଟଙ୍କା ଅତିକ୍ରମ କରିବାର ସମ୍ଭାବନାକୁ ଏଡାଇଦିଆଯାଇ ପାରିବ ନାହିଁ।
ଭେଣ୍ଟୁରା କମୋଡିଟି ଡେସ୍କର ମୁଖ୍ୟ ଏନଏସ ରାମାସ୍ୱାମୀଙ୍କ କହିବାନୁଯାୟୀ, ଭାରତରେ ସୁନାର ମୂଲ୍ୟ ସେତେବେଳେ ୧ ଲକ୍ଷ ଟଙ୍କାରେ ପହଞ୍ଚିବ ଯେତେବେଳେ ଅନ୍ତର୍ଜାତୀୟ ବଜାରରେ ଏହାର ମୂଲ୍ୟ ଆଉନ୍ସ ପ୍ରତି $୩,୩୦୦ ଅତିକ୍ରମ କରିବ
ଏବଂ ଡଲାର-ଟଙ୍କା ବିନିମୟ ହାର ୮୮-୮୯ ସ୍ତରରେ ପହଞ୍ଚିବ। ତଥାପି, ୨୦୨୫ ସୁଦ୍ଧା ଏହି ଲକ୍ଷ୍ୟ ହାସଲ କରିବା ଟିକେ କଷ୍ଟକର ମନେ ହେଉଛି।
ମେହେଟା ଇକ୍ୱିଟିଜ୍ର ଉପାଧ୍ୟକ୍ଷ ରାହୁଲ କଳାନ୍ତ୍ରୀଙ୍କ କହିବାନୁଯାୟୀ, ଆଗାମୀ ୧ବର୍ଷରୁ ୨ ବର୍ଷ ମଧ୍ୟରେ ସୁନାର ମୂଲ୍ୟ ପ୍ରତି ୧୦ ଗ୍ରାମ ୧ ଲକ୍ଷ ଟଙ୍କା ଛୁଇଁପାରେ ।
ଭାରତର ପୂର୍ବତନ ଅର୍ଥ ସଚିବ ସୁଭାଷ ଚନ୍ଦ୍ର ଗର୍ଗଙ୍କ ଅନୁଯାୟୀ, ସୁନା ଉକ୍ତ ସ୍ତରକୁ ପହଞ୍ଚିବା ପାଇଁ ପ୍ରାୟ ୬ ମାସରୁ ୧ ବର୍ଷ ପର୍ଯ୍ୟନ୍ତ ସମୟ ଲାଗିଯାଇପାରେ।
Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।