MEA Slams US State Department Report: ମାନବିକ ଅଧିକାର ଉପରେ ଜ୍ଞାନ ଦେଉଥିଲା ଆମେରିକା, ଏପରି ମୁହଁ ବନ୍ଦ କଲା ଭାରତ

MEA Slams US State Department Report: ଆମେରିକାର ମାନବିକ ଅଧିକାର ରିପୋର୍ଟ ସମ୍ପର୍କରେ ଭାରତୀୟ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧିର ଜୈସୱାଲ ଉତ୍ତର ଦେଇ କହିଛନ୍ତି ଯେ ଏହି ରିପୋର୍ଟ ଅତ୍ୟନ୍ତ ପକ୍ଷପାତିତ ପୂର୍ଣ୍ଣ ଓ ଏହା ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ କରିବା ପରି।

Ministry of External Affairs: ଆମେରିକା ବୈଦେଶିକ ବିଭାଗ ଦ୍ୱାରା ପ୍ରକାଶିତ ମାନବ ଅଧିକାର ରିପୋର୍ଟକୁ ଭାରତ ସମ୍ପୂର୍ଣ୍ଣ ଭାବେ ପ୍ରତ୍ୟାଖ୍ୟାନ କରିଛି। ଭାରତ ଏହି ରିପୋର୍ଟକୁ ପକ୍ଷପାତିତ ବୋଲି ବର୍ଣ୍ଣନା କରିଛି। ମନ୍ତ୍ରଣାଳୟ କହିଛି ଯେ କେନ୍ଦ୍ର ସରକାର ଏହାକୁ ଗୁରୁତ୍ୱ ଦେଉ ନାହାଁନ୍ତି। ମନ୍ତ୍ରଣାଳୟ ଦ୍ୱାରା ଜାରି ବୟାନରେ କୁହାଯାଇଛି ଯେ ଏଭଳି ରିପୋର୍ଟ ଦ୍ୱାରା ଭାରତର ଭାବମୂର୍ତ୍ତି କ୍ଷୁର୍ଣ୍ଣ ହେଉଛି। ଆପଣଙ୍କୁ କହି ରଖୁଛୁ ଯେ ଏହି ରିପୋର୍ଟରେ ମଣିପୁରରେ ମହିଳାଙ୍କ ପ୍ରତି ଅସଦାଚରଣ, ବିବିସି ଉପରେ ଟିକସ ଅଧିକାରୀଙ୍କ ଦ୍ୱାରା ଚଢ଼ାଉ ଓ ମେ ୨୦୨୩ ରେ ଜାତିଗତ ବିବାଦ ଆରମ୍ଭ ହେବା ପରେ କାନାଡାରେ ଖାଲିସ୍ତାନୀ ଆତଙ୍କବାଦୀ ହାର୍ଦ୍ଦିକ ସିଂ ନିଜାରଙ୍କ ହତ୍ୟା ଭଳି ଆନ୍ତର୍ଜାତୀୟ ଦମନ ମାମଲା ଦର୍ଶାଯାଇଛି।

ଇଣ୍ଡିଆ ଟୁଡେରେ ପ୍ରକାଶିତ ରିପୋର୍ଟ ଅନୁଯାୟୀ, ଯେତେବେଳେ ଆମେରିକାର ମାନବ ଅଧିକାର ରିପୋର୍ଟ ବିଷୟରେ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ପଚରାଗଲା, ସେତେବେଳେ ମନ୍ତ୍ରଣାଳୟର ମୁଖପାତ୍ର ରଣଧିର ଜୈସୱାଲ ଉତ୍ତର ଦେଇ କହିଛନ୍ତି, "ଏହି ରିପୋର୍ଟ ଅତ୍ୟନ୍ତ ପକ୍ଷପାତିତ ପୂର୍ଣ୍ଣ ଓ ଏହା ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ କରିବା ପରି। ଆମେ ଏହାକୁ କୌଣସି ଗୁରୁତ୍ୱ ଦେଉନାହୁଁ।

#WATCH | On protests at Columbia University and other Universities in the US, MEA Spokesperson Randhir Jaiswal says, "We have seen reports on the matter and have been following related events. In every democracy, there has to be the right balance between freedom of expression,… pic.twitter.com/15ycFpQ6vl

— ANI (@ANI) April 25, 2024

ଆମେରିକାର ମାନବ ଅଧିକାର ରିପୋର୍ଟରେ ଦର୍ଶାଯାଇଛି ଯେ ମେଟେଇ ଓ କୁକି ସମ୍ପ୍ରଦାୟ ମଧ୍ୟରେ ଚାଲିଥିବା ବିବାଦ ଯୋଗୁଁ ମଣିପୁରରେ ଅତି କମରେ ୧୭୫ ଜଣଙ୍କର ମୃତ୍ୟୁ ଘଟିଛି ଓ ୬୦,୦୦୦ ରୁ ଅଧିକ ଲୋକ ବିସ୍ଥାପିତ ହୋଇଛନ୍ତି। ମଇ ୨୦୨୩ ରେ ମଣିପୁରର ଅଲ ଟ୍ରାଇବାଲ ସ୍ଟୁଡେଣ୍ଟସ ୟୁନିୟନ ଅଫ୍ ମଣିପୁର (ATSUM) ଏକ ଆଦିବାସୀ ଏକତା ପଦଯାତ୍ରା ଆୟୋଜନ କରିବା ପରେ ହିଂସା ଆରମ୍ଭ ହୋଇଥିଲା।

ଏହି ରିପୋର୍ଟରେ ଆନ୍ତର୍ଜାତୀୟ ଟିକସ ଓ ଟ୍ରାନ୍ସଫର ମୂଲ୍ୟ ଅନିୟମିତତା ଅଭିଯୋଗ ଉପରେ ଦିଲ୍ଲୀ ଏବଂ ବ୍ରିଟେନର ବ୍ରଡକାଷ୍ଟର ମୁମ୍ବାଇ କାର୍ଯ୍ୟାଳୟରେ ଆୟକର ବିଭାଗ ଦ୍ୱାରା କରାଯାଇଥିବା ସର୍ଚ୍ଚ ବିଷୟରେ ମଧ୍ୟ ଉଲ୍ଲେଖ କରାଯାଇଛି। ବ୍ରିଟିଶ ପ୍ରସାରଣକାରୀ ୨୦୦୨ ଗୁଜୁରାଟ ଦଙ୍ଗା ଉପରେ 'ଇଣ୍ଡିଆ: ଦ ମୋଦୀ କ୍ୱେସ୍ଚନ' ଶୀର୍ଷକ ଏକ ଡକ୍ୟୁମେଣ୍ଟାରୀ ପ୍ରକାଶ କରିବାର ସପ୍ତାହେ ପରେ ଏହି ଜାଞ୍ଚ କରାଯାଇଥିଲା।