Weather News: ୪୦ ଡିଗ୍ରୀ ତାତିରେ ସିଝିଲା ରାଜ୍ୟର ୫ଟି ସହର

Weather Update: ଆଜି ରାଜ୍ୟର ୫ଟି ସହରର ତାପମାତ୍ରା ୪୦ ଡିଗ୍ରୀ ଛୁଇଁଥିବା ସମୟରେ ସବୁଠୁ ଉତପ୍ତ ସହର ପାଲଟିଛି ମାଲକାନଗିରି । ସେଠାରେ ସର୍ବାଧିକ ତାପମାତ୍ରା ୪୧ ଡିଗ୍ରୀ ଛୁଇଁଛି ପାରଦ ।

Weather Update: ମାର୍ଚ୍ଚ ନସରୁଣୁ ଦିନକୁ ଦିନ ବଢିବାରେ ଲାଗିଛି ତାତି । ଆଗକୁ ମୁଣ୍ଡଫଟା ଖରା ହେବ ବୋଲି ଏବେଠୁ ସତେ ଯେମିତି ଟ୍ରେଲର ଦେଖାଉଛି ଖରା । ଆଜି ରାଜ୍ୟର ୫ଟି ସହରର ତାପମାତ୍ରା ୪୦ ଡିଗ୍ରୀ ଛୁଇଁଥିବା ସମୟରେ ସବୁଠୁ ଉତପ୍ତ ସହର ପାଲଟିଛି ମାଲକାନଗିରି । ସେଠାରେ ସର୍ବାଧିକ ତାପମାତ୍ରା ୪୧ ଡିଗ୍ରୀ ଛୁଇଁଛି ପାରଦ ।

Post- 

ପୁଣି #୪୦ଡ଼ିଗ୍ରୀ ଛୁଇଁ, ପ୍ରଥମ ଥର ପାଇଁ ରାଜ୍ୟରେ ଚଳିତ ବର୍ଷ #୪୦ଡ଼ିଗ୍ରୀ ଅତିକ୍ରମ କଲା ତାତି #ମାଲକାନଗିରି ରେ ସର୍ବାଧିକ #୪୧ଡ଼ିଗ୍ରୀ ଛୁଇଁଲା #ବୌଦ୍ଧ ଏବଂ #ଟିଟିଲାଗଡ ରେ ୪୦.୫ ଡ଼ିଗ୍ରୀ , #ବଲାଙ୍ଗୀର ରେ ୪୦.୨ ଡ଼ିଗ୍ରୀ ଏବଂ #ନୟାଗଡ ରେ ୪୦ ଡ଼ିଗ୍ରୀ ରେକର୍ଡ pic.twitter.com/s5FYffzhx0

— Meteorological Centre, Bhubaneswar (@mcbbsr) March 30, 2024

ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ସୂଚନା ଅନୁଯାୟୀ,  ବୌଦ୍ଧ ସମେତ ଟିଟିଲାଗଡରେ ସର୍ବଚ୍ଚୋ ତାପମାତ୍ରା ୪୦.୫ ଡ଼ିଗ୍ରୀ ଛୁଇଁଛି। ଏଥିସହ ବଲାଙ୍ଗିର ଜିଲ୍ଲାରେ ୪୦.୨ ଡ଼ିଗ୍ରୀ ଏବଂ ନୟାଗଡ ଜିଲ୍ଲାରେ ୪୦ ଡ଼ିଗ୍ରୀ ଛୁଇଁଛି ପାରଦ । ରାଜଧାନୀ ଭୁବନେଶ୍ୱରରେ ତାପମାତ୍ରା ୩୭ ଡିଗ୍ରୀ ରହିଥିବା ସମୟରେ କଟକରେ ୩୭.୬ ତାପମାତ୍ରା ରେକର୍ଡ କରାଯାଇଛି । ଏବେଠୁ ଟାଣ ଖରା ପ୍ରଭାବରୁ ଲୋକମାନେ ହନ୍ତସନ୍ତ ହେବା ଆରମ୍ଭ ହେଲେଣି । ଆଗାମି ଚାରିଦିନ ପର୍ଯ୍ୟନ୍ତ ସ୍ଥିତି ଠିକ୍ ଆଜିପରି ରହିବ ବୋଲି କୁହାଯାଉଛି ।