Jio Bharat 4G Phone: ଏବେ ଓଡ଼ିଶାରେ ଉପଲବ୍ଧ ଜିଓ ଭାରତ ୪ଜି ଫୋନ୍

Jio Bharat 4G Phone: ଭୁବନେଶ୍ୱର: ଦେଶର କୋଟି କୋଟି ୨ଜି ଫୋନ୍ ବ୍ୟବହାରକାରୀଙ୍କୁ ଡିଜିଟାଲ୍ (Digital) ମାଧ୍ୟମରେ ସଶକ୍ତ କରିବା ଏବଂ ୨ଜି ମୁକ୍ତ ଭାରତ ଲକ୍ଷ୍ୟକୁ ସାକାର କରିବା ପାଇଁ ନିକଟରେ ରିଲାଏନ୍ସ ଜିଓ ପକ୍ଷରୁ ନୂଆ ୪ଜି ଫିଚର ଫୋନ୍ (New 4G feature phone) ଜିଓ ଭାରତ ଭି୨କୁ ମାତ୍ର ୯୯୯ ଟଙ୍କାରେ ଉନ୍ମୋଚନ କରାଯାଇଛି । ସେହି ଅଭିଯାନକୁ ଆଗକୁ ବଢ଼ାଇ, ଜିଓ ଭାରତ ଏବେ ଓଡ଼ିଶାର ୩୦୦ ସହର ଓ ନଗରର ୧୦,୦୦୦ରୁ ଅଧିକ ଷ୍ଟୋର୍ (Store) ଓ ଦୋକାନରେ ଉପଲବ୍ଧ ହୋଇଛି । ପୁରୀର ଶ୍ରୀ ଜଗନ୍ନାଥ ମନ୍ଦିରଠାରୁ ଆରମ୍ଭ କରି ପ୍ରମୁଖ ସହର ଓ ନଗରର ଧାର୍ମିକ ସ୍ଥଳରେ ପ୍ରାର୍ଥନା ଓ ପୂଜାର୍ଚ୍ଚନା ସହିତ ଏହି ଫୋନ୍‌କୁ ଉନ୍ମୋଚନ କରାଯାଇଛି ।

ଏହି ଅବସରରେ ବିଭିନ୍ନ ସହର ଓ ନଗରରେ ସଫେଇ କର୍ମଚାରୀ, ରିକ୍ସା ଓ ଅଟୋ ଚାଳକ, ଫାଟକ ଜଗୁଆଳି, ମାଳି, ଗୃହ ସହାୟିକା, ଦିନ ମଜୁରିଆ, ବଢ଼େଇଙ୍କ ଭଳି ପ୍ରାୟ ୩୦୦ ଜଣ ଆର୍ôଥକ ଅନଗ୍ରସର ବ୍ୟକ୍ତିଙ୍କୁ ଜିଓ ଭାରତ ଭି୨ ଫୋନ୍ ପ୍ରଦାନ କରି ସେମାନଙ୍କୁ ଡିଜିଟାଲ୍ ଭାବେ ସଶକ୍ତ କରାଯାଇଛି । ଏହି ସହର ଓ ନଗରଗୁଡ଼ିକର ବିଶିଷ୍ଟ ବ୍ୟକ୍ତି ଓ ସମାଜସେବୀମାନେ ଫୋନ ଆବଶ୍ୟକ କରୁଥିବା ଏହି ଲୋକମାନଙ୍କୁ ଜିଓ ଭାରତ ଭି୨ ଫୋନ୍ ପ୍ରଦାନ କରିଛନ୍ତି । ଏହି ଅଭିଯାନର ଅଂଶସ୍ୱରୂପ, କଳାହାଣ୍ଡିର ଜୁନାଗଡ଼ ସହରରେ ଘରୋଇ ସହାୟିକା ତଥା ସଫେଇ କର୍ମୀ ଉଷା ବାଗ୍‌ଙ୍କୁ ପଦ୍ମଶ୍ରୀ ଶ୍ରୀ ପଟ୍ଟାୟତ ସାହୁ ଜିଓ ଭାରତ ଭି୨ ଫୋନ୍ ପ୍ରଦାନ କରିଛନ୍ତି । ଉପକୃ୍‌ତ ହୋଇଥିବା ଲୋକମାନଙ୍କ ମଧ୍ୟରେ ରହିଛନ୍ତି ରାଜଗାଙ୍ଗପୁରର ଏସ୍‌.ଡି ମହିଳା ମହାବିଦ୍ୟାଳୟର ମାଳି ରାଜେନ୍ଦ୍ର ଜେସ, ଧରମଗଡ଼ର ଏକ ଅନାଥାଶ୍ରମରେ କାର୍ଯ୍ୟରତ ଯଶୋଦା, ରାୟଗଡ଼ା ମହିଳା ମହାବିଦ୍ୟାଳୟର ଫାଟକ ଜଗୁଆଳି ରଶ୍ମିତା ନାୟକ, ବ୍ରହ୍ମପୁରର ଉଦୀୟମାନ କ୍ରୀଡ଼ାବିତ ତଥା ଧାବିକା ଲିଜା ମହାରଣା ଓ ବାରିପଦାର ଅଟୋ ଚାଳକ ମନୋରଂଜନ କୁଅଁର ଏବଂ ଏହିଭଳି ଆହୁରି ଅନେକ ବ୍ୟକ୍ତିବିଶେଷ ।

ପ୍ରତିଟି ଭାରତୀୟ, ବିଶେଷ କରି ଯେଉଁମାନେ ସ୍ମାର୍ଟଫୋନ୍ (Smart Phone) କିଣିବାକୁ ସକ୍ଷମ ନୁହନ୍ତି, ସେମାନଙ୍କୁ ଡିଜିଟାଲ୍ ସେବା ଶକ୍ତି ଜରିଆରେ ସଶକ୍ତ କରିବା ଲକ୍ଷ୍ୟ ନେଇ ଜିଓ ଭାରତକୁ ଉନ୍ମୋଚନ କରାଯାଇଛି । ଏହି ଫୋନ୍‌ରେ ରହିଥିବା ସୁବିଧା ସୁଯୋଗ ଓ ଡିଜିଟାଲ୍ ଦକ୍ଷତା ସମାଜର ବିଭିନ୍ନ ବର୍ଗର ଲୋକମାନଙ୍କୁ ଅଧିକ କିଛି ହାସଲ କରିବା ଏବଂ ଅଧିକ କାର୍ଯ୍ୟ କରିବାର ସୁବିଧା ପ୍ରଦାନ କରୁଛି । ଜିଓ ଭାରତ ଭି୨ ମୋବାଇଲ୍ ଗ୍ରାହକମାନଙ୍କୁ ଜିଓ ସିନେମାର ସବ୍‌ସ୍କ୍ରିପ୍‌ସନ୍ ସହିତ ଜିଓ-ସାବନରେ ଥିବା ୮ କୋଟି ଗୀତ ଶୁଣିବାର ସୁଯୋଗ ମିଳିବ ଓ ତା’ ସହିତ ଜିଓ ସିନେମାର ସବ୍‌ସ୍କ୍ରିପ୍‌ସନ୍ (Subscription) ଜରିଆରେ ସେମାନେ ସିନେମା, ଟିଭି ସୋ’ ଓ କ୍ରୀଡ଼ା କାର୍ଯ୍ୟକ୍ରମ ଆଦି ଦେଖିପାରିବେ । । ଗ୍ରାହକମାନେ ଜିଓ ପେ’ ଜରିଆରେ ୟୁପିଆଇ (UPI) କାରବାର କରିପାରିବେ ।

ବଜାରରେ ଉପଲବ୍ଧ ଥିବା ଇଣ୍ଟରନେଟ (Internet) ଜରିଆରେ କାମ କରୁଥିବା ସବୁ ଫୋନ୍‌ଗୁଡ଼ିକ ମଧ୍ୟରେ ଜିଓ ଭାରତ ଭି୨ ହେଉଛି ସବୁଠୁ ସୁଲଭ । ଜିଓ ଭାରତ ଭି୨ର ମାସିକ ପ୍ଲାନ୍ ସୁଲଭ କାରଣ ଗ୍ରାହକମାନେ ଏହି ପ୍ଲାନ୍ ପାଇଁ ମାତ୍ର ୧୨୩ ଟଙ୍କା ପ୍ରଦାନ କରିବେ ଯାହାର ବୈଧତା ରହିଛି ୨୮ ଦିନ । ଅନ୍ୟ ଅପରେଟରମାନଙ୍କ ଭଏସ୍ କଲ୍ ଓ ୨ ଜିବି ମାସିକ ପ୍ଲାନ୍‌ର ଦାମ୍ ୧୭୯ ଟଙ୍କାରୁ ଆରମ୍ଭ ହେଉଛି । ଏହା ବ୍ୟତୀତ କଂପାନି ପକ୍ଷରୁ ଜିଓ ଭାରତ ଭି୨ ଗ୍ରାହକମାନଙ୍କୁ ୧୪ ଜିବି ଡାଟା ପ୍ରଦାନ କରାଯାଉଛି, ଅର୍ଥାତ ପ୍ରତି ଦିନ ଅଧ ଜିବି, ଯାହା ପ୍ରତିଦ୍ୱନ୍ଦ୍ୱୀଙ୍କ ମାସିକ ୨ ଜିବିଠାରୁ ୭ ଗୁଣା ଅଧିକ । ଜିଓ ଭାରତ ଭି୨ର ବାର୍ଷିକ ଯୋଜନା ମଧ୍ୟ ରହିଛି ଯେଉଁଥିପାଇଁ ଗ୍ରାହକଙ୍କୁ ୧୨୩୪ ଟଙ୍କା ଦେବାକୁ ପଡ଼ିବ । ଦେଶ ଭିତରେ ଉତ୍ପାଦନ କରାଯାଉଥିବା ଏବଂ ମାତ୍ର ୭୧ ଗ୍ରାମ ଓଜନର ଜିଓ ଭାରତ ଭି୨ରେ ଏଚ୍‌ଡି ଭଏସ୍ କଲିଂ, ଏଫ୍‌ଏମ୍ ରେଡିଓ (FM Radio), ୧୨୮ ଜିବିର ଏସ୍‌ଡି ମେମୋରି କାର୍ଡ (Memory card) ସପୋର୍ଟ ଭଳି ସୁବିଧା, ବ୍ଲୁ ଟୁଥ୍‌, ୪.୫ ସେମିର ଟିଏଫ୍‌ଟି ସ୍କ୍ରିନ୍‌, ୦.୩ ମେଗାପିକ୍‌ସେଲ୍ କ୍ୟାମେରା, ୧୦୦୦ ଏମ୍‌ଏଏଚ୍ ବ୍ୟାଟେରି, ୩.୫ ଏମ୍‌ଏମ୍‌ର ହେଡ୍‌ଫୋନ୍ ଜ୍ୟାକ୍‌, ଶକ୍ତିଶାଳୀ ଲାଉଡ୍‌ସ୍ପିକର ଓ ଟର୍ଚ ଭଳି ସୁବିଧା ରହିଛି ।

Also read- Crime News: ଟଙ୍କାକର ଚକୋଲେଟ୍ ପାଇଁ ନାବାଳକକୁ ବାନ୍ଧି ୯ ଘଣ୍ଟା ପିଟିଲେ: ଭିଡ଼ିଓ ଭାଇରାଲ