Golden shower tree: വിഷുക്കണിയിലെ സ്വർണവർണമുള്ള കണിക്കൊന്നയ്ക്ക് ഔഷധ​ഗുണങ്ങളും ഏറെ; വിശദമായി അറിയാം

Golden shower medicinal benefits: ആയുർവേദത്തിൽ കണിക്കൊന്നയുടെ ​ഗുണങ്ങൾ വ്യക്തമാക്കുന്നുണ്ട്. വേര്, പൂവ്, ഇല, പട്ട, ഫലത്തിന്റെ മജ്ജ ഇവയെല്ലാം ഔഷധ ​ഗുണമുള്ളതാണ്.

സ്വർണവർണമുള്ള കണിക്കൊന്ന പൂവ് കാണാനുള്ള ഭം​ഗി മാത്രമല്ല, നിരവധി ഔഷധഗുണങ്ങളും ഉള്ള സസ്യമാണ്. കണിക്കൊന്ന ഇല മുതൽ വേര് വരെ ഔഷധ​ഗുണമുള്ള സസ്യമാണ്. ആയുർവേദത്തിൽ കണിക്കൊന്നയുടെ ​ഗുണങ്ങൾ വ്യക്തമാക്കുന്നുണ്ട്. വേര്, പൂവ്, ഇല, പട്ട, ഫലത്തിന്റെ മജ്ജ ഇവയെല്ലാം ഔഷധ ​ഗുണമുള്ളതാണ്.

ത്വക് രോ​ഗങ്ങൾക്ക് കണിക്കൊന്ന മികച്ചതാണ്. ചർമ്മരോ​ഗങ്ങളെ ശമിപ്പിക്കാനും ശരീരകാന്തി വർധിപ്പിക്കാനും ഇത് മികച്ചതാണ്. സോറിയാസിസിനെ ശമിപ്പിക്കാനും കണിക്കൊന്ന പൂവ് മികച്ചതാണെന്ന് കരുതപ്പെടുന്നു. കോശതലങ്ങളിൽ അടിഞ്ഞുകൂടുന്ന വിഷാംശങ്ങളെ നീക്കാനും ഇത് മികച്ചതാണ്.

വ്രണങ്ങൾ, മുഴകൾ, ആമവാതം, വാതരക്തം, ഹൃദ്രോ​ഗം, മഞ്ഞപ്പിത്തം തുടങ്ങിയ രോ​ഗങ്ങൾക്ക് പ്രതിവിധിയായും കണിക്കൊന്ന ഉപയോ​ഗിക്കാറുണ്ട്. നീര് കുറയ്ക്കാനും കരളിന്റെ ആരോ​ഗ്യം മികച്ചതാക്കാനും വിഷമുള്ള ജീവികളുടെ കടിയേറ്റ് ഉണ്ടാകുന്ന നീരും വേദനയും ശമിപ്പിക്കാനും കണിക്കൊന്ന ഉപയോ​ഗിക്കുന്നു.

കുടൽ രോ​ഗങ്ങൾ, ജ്വരം, കുഷ്ഠം, പ്രമേഹം എന്നീ ആരോ​ഗ്യാവസ്ഥകളെ ചികിത്സിക്കാനും കണിക്കൊന്ന ഉപയോ​ഗിക്കാറുണ്ട്. കണിക്കൊന്നപ്പട്ട അരച്ച് നീരും വേദനയും ഉള്ള ഭാഗങ്ങളിൽ പുരട്ടിയാൽ ശമനമുണ്ടാകുമെന്ന് പറയപ്പെടുന്നു.

കണിക്കൊന്നയുടെ തളിരില അരച്ച് മോരിൽ ചേർത്ത് കുടിക്കുന്നത് അമിതവണ്ണം കുറയ്‌ക്കാൻ സഹായിക്കും. പൂവ് അരച്ച് കഴിക്കുന്നത് പുളിച്ചുതികട്ടലിനും വയറിലെ അൾസർ മാറാനും നല്ലതാണെന്നും കരുതപ്പെടുന്നു.  പൂവ് അരച്ച് കഴിക്കുന്നത് പുളിച്ചുതികട്ടലിനും വയറിലെ അൾസർ മാറാനും നല്ലതാണെന്നും കരുതപ്പെടുന്നു.

Disclaimer: ലേഖനം പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.