EPFO Update: பணியாளர் வருங்கால வைப்பு நிதி அமைப்பில் (EPFO) உறுப்பினர்களாக உள்ளவர்களுக்கும் அவர்களது குடும்ப உறுப்பினர்களுக்கும் பல வசதிகள் கிடைக்கின்றன. இந்த வசதிகள் பற்றி மிகச்சிலருக்கே தெரிந்திருக்கின்றது. இபிஎஃப்ஓ ஆனது இபிஎஸ் (EPS) இன் கீழ் உள்ள குழந்தைகளுக்கு ஓய்வூதியத்தையும் வழங்குகிறது. இந்த வசதிகள் பெற்றோர் அரசு ஊழியர்களாகவோ அல்லது இபிஎஸ் சந்தாதாரர்களாகவோ இருந்து அவர்களை இழந்த அனாதை குழந்தைகளுக்கு மட்டுமே கிடைக்கும். அந்த குழந்தைகள் மட்டுமே இந்த ஓய்வூதியத்திற்கு தகுதியானவர்கள் ஆவர். இது மாதாந்திர விதவை ஓய்வூதியத்தில் 75 சதவீதமாக இருக்கும் என்று இபிஎஃப்ஓ தெரிவித்துள்ளது.
இந்த பணம் தற்போது தலா இரண்டு அனாதை குழந்தைகளுக்கு வழங்கப்படுகிறது. குறைந்தபட்ச மாத தொகை 750 ரூபாய் ஆகும். அதாவது இரண்டு அனாதை குழந்தைகளுக்கு EPF-ன் கீழ் மாதம் 1500 ரூபாய் கிடைக்கும். 25 வயது வரை இந்த ஓய்வூதியம் வழங்கப்படுகிறது. ஊனமுற்ற ஒருவருக்கு வாழ்நாள் முழுவதும் ஓய்வூதியம் வழங்கப்படுகிறது.
குழந்தைகள் அனாதைகளாக இருந்தால், 25 வயது வரை ஓய்வூதியம் வழங்கப்படுகின்றது. ஊனமுற்ற நபருக்கு வாழ்நாள் முழுவதும் ஓய்வூதியம் வழங்கப்படும். குழந்தைகள் அனாதைகளாகவும், ஓய்வூதியம் பெற தகுதியுடையவர்களாகவும் இருந்தால், பெற்றோரின் மரணம் குறித்த தகவலை EPFO -க்கு வழங்க வேண்டும்.
விதவை பெண்களுக்கு ஓய்வூதியம் வழங்குவதற்கான வசதி
EPFO இன் இந்த திட்டத்தின் கீழ், ஊழியர் இறந்தால், அவரது மனைவிக்கும் மாதந்தோறும் விதவை ஓய்வூதியம் கிடைக்கும். பணியாளருக்கு குழந்தைகள் இருந்தால், அவர்களது இரண்டு குழந்தைகளுக்கும் 25 வயது வரை, குறைந்தபட்சம் 1,000 ரூபாய் வரை மாத ஓய்வூதியம் கிடைக்கும். விதவை ஓய்வூதியத்தில் குழந்தைகளுக்கு 25 சதவீதம் வழங்கப்படுகிறது. முக்கிய நிபந்தனை என்னவென்றால், ஊழியர் மரணத்திற்கு முன் சில அத்தியாவசிய நிபந்தனைகளை பூர்த்தி செய்திருக்க வேண்டும்.
ரூ.2.5 லட்சம் முதல் ரூ.7 லட்சம் வரையிலான காப்பீட்டுப் பலன்கள்
பணியில் இருக்கும் போது ஒரு ஊழியர் மரணம் அடைந்தால், பணியாளர் வருங்கால வைப்பு நிதியானது, உறுப்பினரின் நாமினி, சட்டப்பூர்வ வாரிசு அல்லது குடும்ப உறுப்பினர் மூலம் கோரிக்கையை கோரலாம். இந்த நிலையில், ஊழியர்களின் வைப்புத்தொகை இணைக்கப்பட்ட காப்பீட்டின் கீழ், ஊழியரின் குடும்பம் ரூ.2.5 லட்சம் முதல் ரூ.7 லட்சம் வரையிலான காப்பீட்டுப் பலன்களைப் பெறுகிறது. EPFO இல் பதிவுசெய்யப்பட்ட ஒவ்வொரு பணியாளரும் இந்தக் காப்பீட்டுத் திட்டத்தின் பலனைப் பெறுகிறார்கள். EPFO உறுப்பினர் 12 மாதங்கள் தொடர்ந்து பணியாற்றியிருந்தால், பணியாளரின் மரணத்திற்குப் பிறகு நாமினி குறைந்தபட்சம் ரூ. 2.5 லட்சத்தைப் பெறுவார்.
இபிஎஃப்ஓ -இல் கணக்கைத் திறக்கும் அனைத்து ஊழியர்களும் EDLI திட்டத்தின் கீழ் நன்மைகளைப் பெறத் தகுதியுடையவர்கள். இந்தத் திட்டமானது பிஎஃப் கணக்கில் ரூ.7 லட்சம் டேர்ம் இன்சூரன்ஸ் வழங்குகிறது. ஒரு ஊழியர் துரதிர்ஷ்டவசமாக இறந்தால், அந்தக் குடும்பத்திற்கு ரூ.7 லட்சம் காப்பீட்டுத் தொகையாக வழங்கப்படும். முக்கியமாக, பணியாளர்கள் பிஎஃப் கணக்கு (PF Account) மற்றும் EPS இல் முதலீடு செய்யும் போது, EDLI திட்டத்தில் முதலாளிகள் / நிறுவனங்கள் முதலீடு செய்கின்றனர். ஊழியர்கள் அதன் பலன்களை பெறுவதை நிறுவனம் உறுதிசெய்கிறது. இந்தத் திட்டத்தின் பலன்கள் நீடித்த வேலைவாய்ப்பு மற்றும் EPF-ல் (ஊழியர்களின் வருங்கால வைப்பு நிதி) ஆக்டிவ் உறுப்பினராக இருப்பதன் மூலம் தொடர்ந்து இருக்கும் என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
