பட்டைய கிளப்பிய சன்ரைசர்ஸ், பதிலடி கொடுத்த டெல்லி! வெற்றி பெற்ற கம்மின்ஸ் டீம்

1 /6

அந்த அணியில் ஓப்பனிங் இறங்கிய டிராவிஸ் ஹெட், அபிஷேக் சர்மா ஆகியோர் டெல்லி அணியின் பந்துவீச்சை துவம்சம் செய்தனர். 12 பந்துகளில் 46 ரன்கள் அடுத்து அபிஷேக் அவுட்டாக, ஹெட் 32 பந்துகளில் 89 ரன்கள் எடுத்து அவுட்டானார்.  

2 /6

இவர்கள் இருவரின் அதிரடியில் சன்ரைசர்ஸ் அணியின் ஸ்கோர் மின்னல் வேகத்தில் உயர்ந்தது. அதிவேக அரைசதம், பவர்பிளேவில் அதிகபட்ச ஸ்கோர் (6 ஓவர்களில் 125 ரன்கள்) என பல சாதனைகளை அந்த அணி படைத்தது.  

3 /6

அதேபோல் மிடில் ஆர்டரில் களமிறங்கிய நிதீஷ்ரெட்டி அதிரடியாக ஆடி 37 ரன்களும், ஷபாஸ் அகமது 29 பந்துகளில் 59 ரன்களும் விளாசினர். இந்த இன்னிங்ஸில் மட்டும் மொத்தம் 22 சிக்சர்களை விளாசியது சன்ரைசர்ஸ் அணி.  

4 /6

அடுத்து சேஸிங் இறங்கிய டெல்லி அணியும் பதிலடி கொடுத்தது. முதல் ஓவரிலேயே தொடர்ச்சியாக 4 பவுண்டரிகள் அடித்து அவுட்டானார் பிரித்திவி ஷா. வார்னர் 1 ரன்னுக்கு அவுட்டாக, மெக்குர்க் ருத்ரதாண்டவம் ஆடினார். அவர் 18 பந்துகளில் 65 ரன்கள் விளாச, அபிஷேக் போரல் 42 ரன்கள் குவித்தார்.  

5 /6

இதனையடுத்து களம் புகுந்தவர்களில் ரிஷப் பன்ட் மட்டும் 35 பந்துகளில் 44 ரன்கள் எடுக்க மற்றவர்கள் யாரும் சோபிக்கவில்லை. இதனால் டெல்லி அணி 19.1 ஓவர் முடிவில் அனைத்து விக்கெட்டுகளையும் இழந்து 199 ரன்கள் மட்டுமே எடுத்தது.  

6 /6

67 ரன்கள் வித்தியாசத்தில் வெற்றி பெற்ற சன்ரைசர்ஸ் ஹைதராபாத் அணி புள்ளிப் பட்டியலில் 2வது இடத்துக்கு முன்னேறியது. முதல் இடத்தில் ராஜஸ்தான் ராயல்ஸ் அணியும், மூன்றாவது இடத்தில் கொல்கத்தா அணியும், நான்காவது இடத்தில் சென்னை சூப்பர் கிங்ஸ் அணியும் உள்ளன.