பாரத் சஞ்சார் நிகாம் லிமிடெட் (BSNL) தனது ப்ரீபெய்டு வாடிக்கையாளர்களுக்காக இரண்டு புதிய ப்ரீபெய்ட் திட்டங்களை ரகசியமாக அறிமுகப்படுத்தியுள்ளது. தற்போது வரை 4G சேவையை தொடங்குவதில் பிஎஸ்என்எல் சற்று பின்தங்கியிருந்தாலும், தங்கள் வாடிக்கையாளர்களை திருப்திபடுத்தும் விதமாக புதிய சலுகைகளையும், திட்டங்களையும் அறிவித்துக் கொண்டிருக்கிறது பிஎஸ்என்எல். ஏனென்றால் தனியார் டெலிகாம் ஆப்ரேட்டரான ஜியோ, வாடிக்கையாளர்களை அதிகப்படுத்தும் நோக்கில் பல மலிவு விலை மற்றும் டேட்டா திட்டங்களை வரிசையாக அறிமுகப்படுத்தி அமர்களப்படுத்திக் கொண்டிருக்கிறது. இந்த அலையில் பிஎஸ்என்எல் வாடிக்கையாளர்கள் சிக்கிக் கொள்ளாமல் இருக்கும் வகையில் இந்த இரு திட்டங்களும் கொண்டு வரப்பட்டிருக்கின்றன.
மேலும் படிக்க | ஏர்டெல் வாடிக்கையாளர்களும் இனி நெட்பிளிக்ஸ் பார்க்கலாம்! இதோ பிளான் விவரம்
பிஎஸ்என்எல் ரூ 58 ப்ரீபெய்ட் திட்டம்
பிஎஸ்என்எல்லின் ரூ.58 திட்டம் டேட்டா டாப்-அப் மட்டுமே. இதற்கு, உங்கள் மொபைலில் ஏற்கனவே செயலில் உள்ள வேறு சில திட்டம் இருக்க வேண்டும். இந்த ரூ.58 திட்டத்தில், நீங்கள் 7 நாட்கள் வேலிடிட்டி மற்றும் தினசரி 2ஜிபி டேட்டாவைப் பெறுவீர்கள். இவ்வளவு டேட்டா தீர்ந்த பிறகு இணைய வேகம் 40 Kbps ஆக குறையும்.
பிஎஸ்என்எல் ரூ 59 ப்ரீபெய்ட் திட்டம்
பிஎஸ்என்எல்லின் இரண்டாவது ப்ரீபெய்ட் திட்டம் ரூ.59. இதில் உங்களுக்கு 7 நாட்கள் வேலிடிட்டி கிடைக்கும். ஒரு நாளைக்கு 1 ஜிபி டேட்டா மற்றும் வரம்பற்ற அழைப்பு வசதி உள்ளது, ஆனால் எஸ்எம்எஸ் கிடைக்கவில்லை. இந்த திட்டத்தின் தினசரி விலை ரூ.8.43. நீங்கள் நீண்ட கால வேலிடிட்டியுடன் ஒரு திட்டத்தை எடுக்க விரும்பினால், சிறிது பணம் செலவழிப்பதன் மூலம் நீங்கள் தனியார் நிறுவனங்களின் திட்டங்களைப் பார்க்கலாம், ஏனெனில் நீங்கள் அவற்றில் அதிக நன்மைகளைப் பெறலாம்.
இந்தத் திட்டங்கள் சற்று விலை உயர்ந்ததாகத் தோன்றலாம், ஆனால் அதிக ரீசார்ஜ் செய்ய முடியாத வாடிக்கையாளர்களுக்கு அவை பயனுள்ளதாக இருக்கும். உங்களிடம் வேறொரு BSNL சிம் இருந்தால், அதை குறுகிய காலத்திற்கு பயன்படுத்த விரும்பினால், இந்த திட்டம் உங்களுக்கு சிக்கனமான விருப்பமாக இருக்கும். இந்தத் திட்டங்கள் BSNL இன் வருவாயை (ARPU) அதிகரிக்கும் என்பது அவசியமில்லை, ஆனால் புதிய வாடிக்கையாளர்களைப் பெறவும், பழைய வாடிக்கையாளர்களைத் தக்க வைத்துக் கொள்ளவும் இது உதவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
