மகிழ் திருமேனி இயக்கத்தில் அஜித்குமார் நடிக்கும் விடாமுயற்சி படத்தின் படப்பிடிப்பு விறுவிறுப்பாக நடைப்பெற்றது வருகிறது. இந்த படத்தில் இரண்டு கதாநாயகிகள் நடிக்க இருப்பதாக தகவல்கள் வெளியாகியுள்ளது.
விடாமுயற்சி:
ஹெச்.வினோத் இயக்கத்தில் ‘துணிவு’ படத்தில் நடித்த பிறகு நடிகர் அஜித்குமார் சைன் செய்த படம், விடாமுயற்சி. இந்த படத்தை, பிரபல இயக்குநர் மகிழ் திருமேனி இயக்குகிறார். இவர், ஏற்கனவே தடையற தாக்க, தடம் உள்ளிட்ட பல்வேறு ப்ளாக் பஸ்டர் படங்களை கொடுத்துள்ளார். சில படங்களில் வில்லனாகவும் நடித்திருக்கிறார்.
நடிகர் அஜித்குமாரை வைத்து மகிழ் திருமேனி இயக்கும் படம் குறித்து அதிகாரப்பூர்வ அறிவிப்பு வந்ததே தவிர, வேறு எந்த அப்டேட்டுகளும் படக்குழுவின் தரப்பில் இருந்து வெளியாகவில்லை. ஆனால், சென்னையில் இருந்து விடாமுயற்சி படக்குழு, அஜர்பைஜானுக்கு பறந்து அங்கே சைலண்டாக படப்பிடிப்பை நடத்தி வருகிறது. நடிகர் அஜித்குமார் உள்பட, பலர் அங்குதான் படப்பணிகளில் ஈடுபட்டு வருகின்றனர்.
இரண்டு கதாநாயகிகள்..!
விடாமுயற்சி படத்தில் அஜித்குமாருக்கு ஜோடியாக நடிகை த்ரிஷா நடிப்பதாக கிட்டத்தட்ட உறுதியாகி விட்டது. ஆனாலும், இதுகுறித்த அதிகாரப்பூர்வ தகவலுக்காக ரசிகர்கள் காத்துக்கொண்டுள்ளனர். விஜய்யுடன் கிட்டத்தட்ட 15 வருடங்கள் கழித்து ஒன்றாக சேர்ந்து நடித்த த்ரிஷா, 9 ஆண்டுகளுக்கு பிறகு அஜித்துடனும் சேர்ந்து நடிப்பார் என எதிர்பார்க்கப்படுகிறது.
விடாமுயற்சி படத்தில் நடிக்கும் இன்னொரு நாயகி, ரெஜினா கசான்ட்ரா என்ற தகவல் வெளியாகியுள்ளது. இவர், கண்ட நாள் முதல் படம் மூலம் தமிழ் ரசிகர்களுக்கு அறிமுகமானார். இவர் நடிப்பில் வெளியான கேடி பில்லா கில்லாடி ரங்கா, நெஞ்சம் மறப்பதில்லை, சரவணன் இருக்க பயமேன் உள்ளிட்ட படங்கள் ஹிட் அடித்துள்ளன. இதையடுத்து இவர் அஜித்தின் விடாமுயற்சி படத்தில் முக்கிய வேடத்தில் நடிக்க இருப்பதாக கூறப்படுகிறது.
விடாமுயற்சி படத்தில் முக்கிய வேடத்தில் நடிப்பவர்கள்..
விடாமுயற்சி திரைப்படம், ஆக்ஷன்-த்ரில்லர் பாணியில் இருக்கும் என கூறப்படுகிறது. இதில் பல சண்டை காட்சிகளும் சேசிங் காட்சிகளும் படமாக்கப்பட உள்ளதாம். ஒரு காலத்தில் ஹீரோவாக இருந்து, தற்போது முன்னணி ஹீரோக்களுக்கு வில்லனாக நடிக்கும் ஆக்ஷன் கிங் அர்ஜுனும் இந்த படத்தில் முக்கிய கதாப்பாத்திரத்தில் நடிப்பதாக கூறப்படுகிறது. சில நாட்களுக்கு முன்னர் அஜித்தும் பான் இந்திய அளவில் பிரபலமான பாலிவுட நடிகர் சஞ்சய் தத்தும் ஒன்றாக இருக்கும் புகைப்படம் ஒன்று வெளியானது. இதனால், அவரும் இப்படத்தில் நடிக்கிறாரோ என்ற சந்தேகம் ரசிகர்களுக்கு எழுந்துள்ளது.
அஜித்-த்ரிஷா இணைந்து நடித்த படங்கள்..
கோலிவுட்டின் முன்னணி ஹீரோக்களாக திகழும் விஜய் மற்றும் அஜித்துடன் அதிக படங்களில் இணைந்து நடித்த ஒரே கதாநாயகி த்ரிஷாதான். இவர்கள் ஏற்கனவே கிரீடம், ஜீ, மங்காத்தா, என்னை அறிந்தால் உள்ளிட்ட படங்களில் ஒன்றாக நடித்திருக்கின்றனர். இந்த படங்கள் அனைத்தும் மக்களின் கவனத்தையும் ஈர்த்துள்ளன. அந்த வகையில் விடாமுயற்சி படமும் ஹிட் அடிக்கும் என எதிர்பார்க்கப்படுகிறது.
நடிகர் அஜித்குமார், இரண்டு நாட்களுக்கு முன்னர் சென்னை விமான நிலையத்தில் இருந்து அஜர்பைஜானுக்கு கிளம்பிய போட்டோ இணையத்தில் வைரலானது. அந்த போட்டோக்களில் நடிகர் அஜித், பார்ப்பதற்கு உடல் மெலிந்தது போல இருந்தார். இதனால் விடாமுயற்சி படத்திற்காக அவர் உடல் எடையை குறைத்துள்ளதாக கூறப்படுகிறது.
மேலும் படிக்க | தமிழில் படம் இயக்கும் அனுராக் காஷ்யப்! ஹீரோவாக நடிப்பது யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
