काही दिवसांपूर्वी राहुल गांधींनी नवी दिल्लीमधील करोल बाग येथील बाईक मार्केटला भेट दिली.
या ठिकाणी राहुल गांधींनी उमेद शाह, विक्की सेन आणि मनोज पासवान यांच्याबरोबर सर्व्हिसिंग आणि मेकॅनिकल कामाबद्दलची सविस्तर माहिती जाणून घेतली.
राहुल गांधींनी यावेळेस बाईक्सबद्दल माहिती घेतानाच मेकॅनिक्सकडून त्यांच्या कमाबद्दल जाणून घेतलं. तसेच बाईक या विषयावरही त्यांनी या मेकॅनिक्सबरोबर चर्चा केली.
यावेळी राहुल गांधींनी एका मेकॅनिकने तुमच्याकडे राहुल गांधींना, तुमच्याकडे कोणती बाईक आहे? असा प्रश्न विचारला.
राहुल गांधींनी या प्रश्नाला उत्तर देताना, "माझ्याकडे केटीएम 370 बाईक आहे," असं या मेकॅनिकला सांगितलं.
मात्र पुढच्याच वाक्यात राहुल गांधींनी यासंदर्भातील आपलं दु:ख व्यक्त केलं.
"माझ्याकडे केटीएम 390 असली तरी ती केवळ पडून आहे," असंही राहुल यांनी सांगितलं.
"मी बाईक चालवत नाही कारण माझे सुरक्षारक्षक मला त्याची परवानगी देत नाहीत," असं राहुल यांनी म्हटलं.
मी अनेकदा यासंदर्भातील चिठ्ठ्या त्यांना देतो तरी परिणाम होत नाही, असंही राहुल यांनी बाईक न चालवता येण्यासंदर्भात सांगितलं.
राहुल गांधींनी उल्लेख केलेल्या केटीएम 390 या बाईकची किंमत भारतामध्ये 3 लाख रुपयांहून अधिक आहे.
भारताच्या ऑटोमोबाइल उद्योगाला अधिक सक्षम करण्यासाठी भारतीय मेकॅनिक्सला सशक्त करणं आवश्यक आहे, असंही या मेकॅनिक्सची भेट घेतल्यानंतर राहुल गांधींनी सांगितलं.
राहुल गांधींना पाहण्यासाठी त्यांच्याशी हस्तांदोलन करण्यासाठी या वेळेस स्थानिकांनी मोठी गर्दी केली होती.