ਆਸਟ੍ਰੇਲੀਆ ਖ਼ਿਲਾਫ਼ ਸ਼ਾਨਦਾਰ ਜਿੱਤ ਤੋਂ ਬਾਅਦ ਭਾਰਤੀ ਕ੍ਰਿਕਟ ਟੀਮ ਸੈਮੀਫਾਈਨਲ 'ਚ ਪਹੁੰਚੀ ਹੈ।
ਅੱਜ ਸੈਮੀਫਾਈਨਲ 'ਚ ਭਾਰਤ ਦਾ ਸਾਹਮਣਾ ਇੰਗਲੈਂਡ ਨਾਲ ਹੋਵੇਗਾ।
ਇਹ ਮੁਕਾਬਲਾ ਗੁਆਨਾ ਦੇ ਪ੍ਰੋਵਿਡੈਂਸ ਨੈਸ਼ਨਲ ਸਟੇਡੀਅਮ 'ਚ ਭਾਰਤੀ ਸਮੇਂ ਅਨੁਸਾਰ ਰਾਤ 8 ਵਜੇ ਖੇਡਿਆ ਜਾਵੇਗਾ।
ਰੋਹਿਤ ਸ਼ਰਮਾ ਨੇ ਇੰਗਲੈਂਡ ਖਿਲਾਫ ਟੀ-20 ਇੰਟਰਨੈਸ਼ਨਲ 'ਚ ਕੁੱਲ 15 ਮੈਚ ਖੇਡੇ ਹਨ।
ਰੋਹਿਤ ਸ਼ਰਮਾ ਨੇ 15 ਮੈਚਾਂ ਦੀਆਂ 14 ਪਾਰੀਆਂ 'ਚ ਕੁੱਲ 410 ਦੌੜਾਂ ਬਣਾਈਆਂ ਹਨ।
ਰੋਹਿਤ ਨੇ ਇੰਗਲੈਂਡ ਖਿਲਾਫ ਵੀ 1 ਅਜੇਤੂ ਸੈਂਕੜਾ ਅਤੇ 2 ਅਰਧ ਸੈਂਕੜੇ ਲਗਾਏ ਹਨ।
ਇੰਗਲੈਂਡ ਖਿਲਾਫ ਰੋਹਿਤ ਸ਼ਰਮਾ ਦਾ ਸਟ੍ਰਾਈਕ ਰੇਟ 138.98 ਅਤੇ ਔਸਤ 34.16 ਹੈ।
ਰੋਹਿਤ ਨੇ ਇੰਗਲੈਂਡ ਖਿਲਾਫ ਆਪਣੀ ਪਾਰੀ 'ਚ 43 ਚੌਕੇ ਅਤੇ 16 ਛੱਕੇ ਲਗਾਏ ਹਨ।
ਜੇਕਰ ਟੀਮ ਇੰਡੀਆ ਅੱਜ ਇਹ ਮੁਕਾਬਲਾ ਜਿੱਤ ਲੈਂਦੀ ਹੈ ਤਾਂ ਉਹ 29 ਜੂਨ ਨੂੰ ਦੱਖਣੀ ਅਫਰੀਕਾ ਨਾਲ ਬਾਰਬਾਡੋਸ 'ਚ ਫਾਈਨਲ ਮੁਕਾਬਲਾ ਖੇਡੇਗੀ।