ವಿದ್ಯುತ್ ಚಾಲಿತ ವಾಹನಕ್ಕೆ ಹಸಿರು ಬಣ್ಣದ ನಂಬರ್ ಪ್ಲೇಟ್ ಅನ್ನು ಅಳವಡಿಸಿರುತ್ತಾರೆ.ವಿದ್ಯುತ್ ಚಾಲಿತ ವಾಹನವನ್ನು ಬಳಸುವುದರಿಂದ ಪರಿಸರ ಮಾಲಿನ್ಯಕ್ಕೆ ತೊಂದರೆಯಾಗುವುದನ್ನು ತಪ್ಪಿಸಬಹುದು.
ಹಳದಿ ಬಣ್ಣದ ಫಲಕದಲ್ಲಿರುವ ಕಪ್ಪು ಬಣ್ಣದ ಅಕ್ಷರಗಳೊಂದಿಗೆ ಸಂಖ್ಯೆಯನ್ನು ಹೊಂದಿದ್ದು,ಈ ವಾಹನಗಳನ್ನು ವಾಣಿಜ್ಯ ಬಳಕೆಗೆ ಉಪಯೋಗಿಸುತ್ತಾರೆ.
ಭಾರತದಲ್ಲಿ ಸಾಮನ್ಯವಾಗಿ ಬಿಳಿ ಬಣ್ಣದ ಫಲಕದಲ್ಲಿಯೂ ಕಪ್ಪು ಬಣ್ಣ ಅಕ್ಷರಗಳೊಂದಿಗೆ ಸಂಖ್ಯೆಯನ್ನು ನಮೂದಿಸಿದ್ದು ಈ ವಾಹನವನ್ನು ವೈಯಕ್ತಿಕ ಕೆಲಸ ಕಾರ್ಯಗಳಿಗೆ ಉಪಯೋಗಿಸುತ್ತಾರೆ.
ಆಯಾ RTO ಕಚೇರಿಯು ಶಾಶ್ವತವಾದ ನಂಬರ್ ಪ್ಲೇಟ್ ನೀಡುವವರೆಗು ತಾತ್ಕಲಿಕವಾದ ಕೆಂಪು ಬಣ್ಣ ಸೂಚಿಸಿರುವ ನೋಂದಣಿ ಸಂಖ್ಯೆಯನ್ನು ಕೊಟ್ಟಿರುತ್ತಾರೆ.ಇದು 1 ತಿಂಗಳವರೆಗೆ ಮಾತ್ರ ಚಾಲ್ತಿಯಲ್ಲಿರುತ್ತದೆ.
ವಿದೇಶದಿಂದ ಭಾರತಕ್ಕೆ ಬಂದಿರುವಂತಹ ವಾಹನಗಳಿಗೆ ನೀಲಿ ಬಣ್ಣದ ಫಲಕದಲ್ಲಿ ಬಿಳಿ ಅಕ್ಷರಗಳೊಂದಿಗೆ ಸಂಖ್ಯೆಯನ್ನು ನೋಂದಣಿ ಮಾಡಿರುತ್ತಾರೆ.ಈ ವಾಹನಗಳು ಭಾರತದಲ್ಲಿ ರಾಯಭಾರ ನಡೆಸುತ್ತಿರುವ ಕಚೇರಿಗಳಿಗೆ ಸೇರಿರುತ್ತವೆ.
ಕಪ್ಪು ಬಣ್ಣದ ನಂಬರ್ ಪ್ಲೇಟ್ ಅನ್ನು ಹೊಂದಿರುವಂತಹ ವಾಹನಗಳು ಬಾಡಿಗೆಯ ರೂಪದಲ್ಲಿ ಜನರಿಗೆ ಸಹಾಯ ಮಾಡಲು ಚಾಲ್ತಿಯಲ್ಲಿರುತ್ತದೆ.
ನೋಂದಣಿ ಫಲಕದಲ್ಲಿ ಮೇಲ್ಮುಖವಾಗಿ ಬಾಣದ ಗುರುತಿನಲ್ಲಿ ಸೂಚಿಸಿದ್ದರೆ ಅಂತಹ ವಾಹನಗಳನ್ನು ಮಿಲಿಟರಿ ಕಾರ್ಯಾಚರಣೆಯಲ್ಲಿ ತೊಡಗಿರುವಂತಹ ಅಧಿಕಾರಿಗಳು ಉಪಯೋಗಿಸುತ್ತಾರೆ.
ವಿಶೇಷವಾಗಿ ಕೆಂಪು ಬಣ್ಣದ ನಂಬರ್ ಪ್ಲೇಟ್ ನಲ್ಲಿ ರಾಷ್ಟ್ರ ಲಾಂಛನವನ್ನು ಹೊಂದಿರುತ್ತದೆ. ಈ ವಾಹನವನ್ನು ಸರ್ಕಾರಿ ಅಧಿಕಾರಿಗಳು,ರಾಜ್ಯಪಾಲರು,ಭಾರತದ ರಾಷ್ಟ್ರಪತಿಗಳು ಉಪಯೋಗಿಸುತ್ತಾರೆ.