ಸುಂದರವಾದ ತ್ವಚೆಗಾಗಿ ಮಹಿಳೆಯರು ಫೇಶಿಯಲ್ ಮಾಡಿಸಿಕೊಳ್ಳುತ್ತಾರೆ. ಇದೊಂದು ರೀತಿಯ ತ್ವಚೆಯ ಆರೈಕೆಯ ಚಿಕಿತ್ಸೆಯೂ ಹೌದು. ಫೇಶಿಯಲ್ ಮಾಡುವುದರಿಂದ ಚರ್ಮಕ್ಕೆ ಪೋಷಣೆ ಸಿಗುತ್ತದೆ ಮತ್ತು ತ್ವಚೆಯು ಹೊಳೆಯುತ್ತದೆ.

ಫೇಶಿಯಲ್ ಮಾಡುವುದರಿಂದ ಚರ್ಮಕ್ಕೆ ಪೋಷಣೆ ಸಿಗುತ್ತದೆ ಮತ್ತು ತ್ವಚೆಯು ಹೊಳೆಯುತ್ತದೆ. ಆದರೆ ಹಲವಾರು ಬಾರಿ ಫೇಶಿಯಲ್ ಮಾಡಿದರೂ ಮುಖ ನಿರೀಕ್ಷಿಸಿದಷ್ಟು ಹೊಳೆಯುವುದಿಲ್ಲ. ಯಾಕೆಂದರೆ ಫೇಶಿಯಲ್ ಮಾಡಿದ ನಂತರ ನೀವು ಮಾಡುವ ತಪ್ಪುಗಳೇ ಇದಕ್ಕೆ ಕಾರಣ.

ಮತ್ತೊಂದು ಪ್ರಮುಖ ವಿಷಯಗಳೆಂದರೆ ಫೇಶಿಯಲ್ ಬಳಿಕ ಮಾಡುವ ಈ ತಪ್ಪುಗಳಿಂದ ತ್ವಚೆ ಆರೈಕೆ ಬದಲಿಗೆ ತ್ವಚೆಯ ಸಮಸ್ಯೆಗಳು ಹೆಚ್ಚಾಗುತ್ತವೆ.

ಮುಖವನ್ನು ಸ್ಪರ್ಶಿಸಬೇಡಿ

ಫೇಶಿಯಲ್ ಮಾಡಿದ ನಂತರ ನಿಮ್ಮ ಮುಖವನ್ನು ಮುಟ್ಟಬೇಡಿ, ಹೀಗೆ ಮಾಡುವುದರಿಂದ ಚರ್ಮದಲ್ಲಿ ಬ್ಯಾಕ್ಟೀರಿಯಾ ಉತ್ಪತ್ತಿಯಾಗುತ್ತದೆ. ಇದು ಮೊಡವೆಗೂ ಕಾರಣವಾಗಬಹುದು.

ಫೇಸ್ ವಾಶ್

ಫೇಶಿಯಲ್ ಮಾಡಿದ ನಂತರ ಹಲವರು ಫೇಸ್ ವಾಶ್ ಮಾಡುತ್ತಾರೆ. 24 ಗಂಟೆಗಳ ಮುಖದ ನಂತರವೇ ನೀವು ಫೇಸ್ ವಾಶ್ ಮಾಡಬೇಕು. ಇಲ್ಲವೇ, ಫೇಸ್ ರ್ಯಾಶಸ್ ಹೆಚ್ಚಾಗಬಹುದು.

ಮೇಕ್ಅಪ್

ಫೇಶಿಯಲ್ ಮಾಡಿದ ನಂತರ ಚರ್ಮವು ಒಳಗಿನಿಂದ ಸ್ವಚ್ಛಗೊಳಿಸಲ್ಪಡುತ್ತದೆ ಮತ್ತು ಚರ್ಮದ ರಂಧ್ರಗಳು ತೆರೆದುಕೊಳ್ಳುತ್ತವೆ. ಹಾಗಾಗಿ, 24 ಗಂಟೆಗಳ ಮೊದಲು ಮೇಕ್ಅಪ್ ಮಾಡುವುದನ್ನು ನಿರ್ಲಕ್ಷಿಸಿ. ಇಲ್ಲದಿದ್ದರೆ, ಅದು ಅನೇಕ ತ್ವಚೆಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಥ್ರೆಡಿಂಗ್

ಕೆಲವರು ಫೇಶಿಯಲ್ ಮಾಡಿಸಿದ ಬಳಿಕ ಥ್ರೆಡಿಂಗ್ ಮಾಡಿಸುತ್ತಾರೆ. ಆದರೆ, ಫೇಶಿಯಲ್ ಮಾಡಿದ ನಂತರ ತ್ವಚೆ ಮೃದುವಾಗುತ್ತದೆ, ಇದಾದ ಬಳಿಕ ಥ್ರೆಡಿಂಗ್ ಮಾಡುವುದರಿಂದ ಸ್ಕಿನ್ ಕಟ್ ಆಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

ಸೂರ್ಯನ ಕಿರಣಗಳಿಗೆ ಒಡ್ಡಿಕೊಳ್ಳುವುದು

ಫೇಶಿಯಲ್ ಮಾಡಿಸಿದ ಬಳಿಕ ಚರ್ಮವು ಸೂಕ್ಷ್ಮವಾಗಿರುತ್ತದೆ. ಈ ಸಂದರ್ಭದಲ್ಲಿ ನೀವು ತಕ್ಷಣ ಸೂರ್ಯನ ಕಿರಣಗಳಿಗೆ ಒಡ್ಡಿಕೊಳ್ಳುವುದರಿಂದ ಅಲರ್ಜಿ ಉಂಟಾಗಬಹುದು.

ವ್ಯಾಕ್ಸಿಂಗ್

ಕೆಲವರು ಫೇಶಿಯಲ್ ಬಳಿಕ ಅಪ್ಪರ್ ಲಿಪ್ ವ್ಯಾಕ್ಸಿಂಗ್ ಮಾಡಿಸುತ್ತಾರೆ. ಆದರೆ, ಇದರಿಂದ ನಿಮ್ಮ ಚರ್ಮ ಹಾಳಾಗಬಹುದು.

ಫೇಸ್ ಮಾಸ್ಕ್‌

ನೀವು ಫೇಶಿಯಲ್ ಮಾಡಿಸಿದ ಕನಿಷ್ಠ ಒಂದು ವಾರಗಳವರೆಗೆ ಯಾವುದೇ ರೀತಿಯ ಫೇಸ್ ಮಾಸ್ಕ್‌ಗಳನ್ನು ಬಳಸಬಾರದು. ಇದು ಮುಖದ ಕಾಂತಿಯನ್ನು ಕುಂದಿಸುತ್ತದೆ. ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಇದನ್ನು Zee ಮೀಡಿಯಾ ಖಚಿತಪಡಿಸುವುದಿಲ್ಲ.