സാധാരണയായി എല്ലാ വീടുകളിലും വളര്‍ത്തുന്ന ഒരു ചെടിയാണ് മണി പ്ലാന്‍റ് (Money Plant). ഇത് സന്തോഷവും സമൃദ്ധിയും നല്‍കുന്നു എന്നാണ് പറയപ്പെടുന്നത്‌.
മണി പ്ലാന്‍റ് പണവുമായി ബന്ധപ്പെട്ടതായാതിനാല്‍ ഇത് വീട്ടിൽ നട്ടുവളർത്തുന്നത് ഐശ്വര്യം കൊണ്ടുവരുമെന്നാണ് വിശ്വാസം. വാസ്തു ശാസ്ത്രത്തിൽ മണി പ്ലാന്‍റ് വളരെ ശുഭകരമായി കണക്കാക്കപ്പെടുന്നു.
മണി പ്ലാന്‍റ് വളര്‍ത്തുമ്പോള്‍ അത് വയ്ക്കുന്ന സ്ഥലം, പരിപാലനം, തുടങ്ങിയ കാര്യത്തില്‍ ശ്രദ്ധിച്ചില്ല എങ്കില്‍ സമ്പന്നതയ്ക്ക് പകരം ദാരിദ്ര്യത്തിന് കാരണമാകും
വീടിനുള്ളിൽ മണി പ്ലാന്‍റ് സ്ഥാപിക്കുന്നതാണ് ഏറ്റവും നല്ലത്. ചെടി വടക്ക്, കിഴക്ക് അല്ലെങ്കിൽ വടക്ക് കിഴക്ക് ദിശയിൽ വയ്ക്കുന്നത് ഏറ്റവും ശുഭകരമായി കണക്കാക്കപ്പെടുന്നു.
തെക്ക് ദിശയിൽ ഒരിക്കലും മണി പ്ലാന്‍റ് നടരുത്.
മണി പ്ലാന്‍റ് നേരിട്ട് സൂര്യപ്രകാശം ലഭിക്കുന്ന സ്ഥലത്ത് സൂക്ഷിക്കരുത്. മണി പ്ലാന്‍റ് ഉണങ്ങുന്നത് ശുഭകരമല്ല, ഇത് പണ പ്രതിസന്ധിയ്ക്ക് ഇടയാക്കും.
ആരുടെയെങ്കിലും വീട്ടിൽ നിന്ന് മണി പ്ലാന്‍റ് കൊണ്ടുവരരുത്, അത് വിലയ്ക്ക് വാങ്ങി നടുക. മണി പ്ലാന്‍റ് ആരുടെയെങ്കിലും വീട്ടിൽനിന്ന് മോഷ്ടിക്കുന്നത് ശുഭമല്ല.
മണി പ്ലാന്‍റ് ഒരിയ്ക്കലും പ്ലാസ്റ്റിക് കുപ്പിയിൽ വയ്ക്കരുത്. ഗ്ലാസ് ബോട്ടിലിൽ വളര്‍ത്തുന്നത് നന്നായിരിക്കും.
മണി പ്ലാന്‍റിന്‍റെ വള്ളി എപ്പോഴും താഴെ നിന്ന് മുകളിലേക്ക് വേണം വളര്‍ത്തേണ്ടത്. അത് ഒരിയ്ക്കലും തൂങ്ങിക്കിടക്കുന്ന രീതിയില്‍ ആകരുത്.
മണി പ്ലാന്‍റിന്‍റെ വള്ളി താഴെയ്ക്കിറങ്ങുന്നത് പണനഷ്ടത്തിനും സാമ്പത്തിക ബുദ്ധിമുട്ടുകള്‍ക്കും വഴി തെളിക്കും.