ആദ്യ പത്ത് സ്ഥാനങ്ങളില് ഏഴ് എണ്ണവും കൈയ്യടക്കി വച്ചിരിക്കുന്നത് മാരുതി സുസുകി തന്നെയാണ്. ടാറ്റ പഞ്ച്, ഹ്യുണ്ടായ് ക്രെറ്റ, മഹീന്ദ്ര സ്കോര്പിയോ എന്നിവയാണ് ശേഷിക്കുന്ന മൂന്ന് മോഡലുകള്. ഏറ്റവും വിറ്റഴിയ്ക്കപ്പെട്ട് കാറുകള് ഏതൊക്കെ എന്നും എത്ര വിറ്റു എന്നും നോക്കാം.
ഏപ്രില് മാസത്തില് 19,158 യൂണിറ്റുകള് ആണ് ടാറ്റ പഞ്ച് വിറ്റഴിക്കപ്പെട്ടത്. ആറ് ലക്ഷം മുതല് 10.10 ലക്ഷം രൂപ വരെയാണ് പഞ്ചിന്റെ വില. എസ് യുവി വിഭാഗത്തിലാണ് പഞ്ച് വരുന്നത്.
17,850 യൂണിറ്റ് വാഗണ് ആര് കാറുകള് ആണ് എപ്രിലില് വിറ്റത്. 5.54 ലക്ഷം മുതല് 7.42 ലക്ഷം രൂവ വരെയാണ് വില. ഹാച്ച് ബാക്ക് വിഭാഗത്തിലാണ് വാഗണ് ആര് വരുന്നത്.
17,113 യൂണിറ്റുകള് വിറ്റഴിക്കപ്പെട്ടു. ക്രോസ്സ് ഓവര് എസ് യുവി ഗണത്തില് പെടുന്ന ബ്രെസ്സയുടെ വില 8.29 ലക്ഷം മുതല് 14.14 ലക്ഷം രൂപ വരെ ആണ്.
15,825 യൂണിറ്റുകള് ആണ് ഏപ്രില് മാസത്തില് വിറ്റത്. സെഗാന് വിഭാഗത്തിലാണ് ഡിസൈര് വരുന്നത്. 6.59 ലക്ഷം രൂപ മുതല് 9.39 ലക്ഷം രൂപ വരെയാണ് വില.
ഹ്യുണ്ടായ് ക്രെറ്റയുടെ 15,447 യൂണിറ്റുകള് വിറ്റഴിക്കപ്പെട്ടു. ക്രോസ്സ് ഓവര് എസ് യുവി ഗണത്തിലാണ് ക്രെറ്റയും വരുന്നത്. 10.87 ലക്ഷം രൂപ മുതല് 19.20 ലക്ഷം രൂപ വരെയാണ് വില വരുന്നത്.
14,807 യൂണിറ്റുകള് ഏപ്രില് മാസത്തില് വിറ്റഴിക്കപ്പെട്ടു. എസ് യുവി വിഭാഗത്തില് വരുന്ന സ്കോര്പിയോയ്ക്ക് 15.62 ലക്ഷം രൂപ മുതല് 20.03 ലക്ഷം രൂപ വരെയാണ് വില.
മാരുതിയുടെ പുതിയ മോഡല് ആയ ഫ്രോങ്ക്സ് 14,286 യൂണിറ്റുകള് ആണ് വിറ്റത്. കോംപാക്ട് എസ് യുവി വിഭാഗത്തിലാണ് ഈ കാര്. 7.51 ലക്ഷം രൂപ മുതല് 13.04 ലക്ഷം രൂപ വരെയാണ് വില.
മാരുതിയുടെ ഏറ്റവും വിറ്റഴിയ്ക്കപ്പെട്ടുകൊണ്ടിരുന്ന മോഡല് ആയിരുന്ന ബലേനോയുടെ 14,049 യൂണിറ്റുകളാണ് ഏപ്രിലില് ചെലവായത്. ഹാച്ച് ബാക്ക് വിഭാഗത്തില് വരുന്ന ഈ കാറിന് 6.61 ലക്ഷം രൂപ മുതല് 9.88 ലക്ഷം രൂപ വരെയാണ് വില വരുന്നത്.
എര്ട്ടിഗയുടെ 13,544 യൂണിറ്റുകള് വിറ്റു. മര്ട്ടി പര്പ്പസ് വാഹനങ്ങളില് ഏറ്റവും അധികം വിറ്റഴിക്കപ്പെട്ടത് എര്ട്ടിഗയാണ്. 8.64 ലക്ഷം രൂപ മുതല് 13.08 ലക്ഷം രൂപ വരെയാണ് വില
മാരുതി ഇക്കോയുടെ 12,060 യൂണിറ്റുകള് ഏപ്രില് മാസത്തില് വിറ്റഴിക്കപ്പെട്ടു. 5/7 സീറ്റര് മിനി വാന് ഗണത്തിലാണ് ഈ വാഹനം വരുന്നത്. 5.32 ലക്ഷം രൂപ മുതല് 6.58 ലക്ഷം രൂപ വരെയാണ് വില.