യുവത്വം തുളുമ്പുന്ന ചർമ്മം സ്വന്തമാക്കാം! ഈ ഫ്രൂട്സ് കഴിച്ച് നോക്കൂ...
മാതളനാരങ്ങയിൽ വിറ്റാമിൻ സി, പോളിഫിനോളുകള്‍ എന്നിവ ധാരാളം അടങ്ങിയിട്ടുണ്ട്. ഇത് ചര്‍മത്തിന് ഇറുക്കവും ചെറുപ്പം നല്‍കുന്ന കൊളാജന്‍ ഉല്‍പാദനത്തിന് സഹായിക്കുന്നു.
പപ്പായ ചര്‍മത്തിന് ചെറുപ്പവും തിളക്കവും നല്‍കുന്നു. ഇതിലെ വിറ്റാമിൻ സി, വൈറ്റമിന്‍ എ, പാപ്പെയ്ന്‍ എന്നിവയെല്ലാം മൃതചര്‍മകോശങ്ങളെ നീക്കാന്‍ സഹായിക്കുന്നു.
തണ്ണിമത്തന്‍ ചര്‍മത്തിന് ചെറുപ്പം നല്‍കാന്‍ സഹായിക്കുന്ന ഒന്നാണ്. ഇതിലെ വിറ്റാമിന്‍ എ, ബി, സി, ലൈക്കോപീന്‍, അമിനോആസിഡുകള്‍ എന്നിവ തന്നെ ചര്‍മത്തിന് ഈര്‍പ്പം നല്‍കാന്‍ സഹായിക്കുന്നു.
വിറ്റാമിന്‍ സി, എ, ലോക്കോപീന്‍, ആന്റിഓക്‌സിഡന്റുകള്‍ എന്നിവയാൽ സമ്പന്നമാണ് പേരയ്ക്ക. ഇവ ചര്‍മത്തിന് സംരക്ഷണം നല്‍കുകയും ഫ്രീ റാഡിക്കലുകളില്‍ നിന്നും കാക്കുകയും ചെയ്യുന്നു.
ആരോഗ്യവും സൗന്ദര്യവുമുള്ള ചർമ്മം നേടുന്നതിന് ബെറിപ്പഴങ്ങൾ കഴിക്കുന്നത് നല്ലതാണ്. ഇവയിലടങ്ങിയിരിക്കുന്ന ആന്റിഓക്സിഡന്റുകൾ, നാരുകൾ, പോഷകങ്ങൾ എന്നിവ മുഖക്കുരു, അകാല വാർദ്ധക്യം എന്നിവയുമായി ബന്ധപ്പെട്ട പ്രശ്നങ്ങൾ തടയുന്നു.
വിറ്റാമിനുകളും ഒമേഗ 3 ഫാറ്റി ആസിഡും അടങ്ങിയ അവക്കാഡോ കഴിക്കുന്നത് ചര്‍മ്മത്തിലെ ചുളിവുളെ തടയാനും മുഖത്ത് പ്രായക്കൂടുതല്‍ തോന്നിക്കാതിരിക്കാനും സഹായിക്കും.
വിറ്റാമിൻ സി, വിറ്റാമിൻ ഇ, ആന്റിഓക്സിഡന്റുകൾ തുടങ്ങിയവയാൽ സമ്പന്നമാണ് കിവി. ഇവ ചർമ്മത്തെ സംരക്ഷിക്കുകയും പ്രായത്തിന്റെ ലക്ഷണങ്ങൾ മാറ്റുകയും ചെയ്യുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.