അമിതമായി പനീർ കഴിക്കുന്നതിന്റെ പാർശ്വഫലങ്ങൾ
പനീർ കഴിക്കുന്നത് ദഹനത്തെ സഹായിക്കുകയും മെറ്റബോളിസം വർധിപ്പിക്കുകയും ചെയ്യുമെങ്കിലും അമിതമായി പനീർ കഴിക്കുന്നത് വയറിന് അസ്വസ്ഥതയുണ്ടാക്കും.
പനീറിൽ പൂരിത കൊഴുപ്പ് കൂടുതലാണ്. ഇത് അമിതമായി കഴിക്കുമ്പോൾ കൊളസ്ട്രോളിന്റെ അളവ് വർധിക്കുകയും ഹൃദ്രോഗസാധ്യത വർധിക്കുകയും ചെയ്യും.
കാത്സ്യത്തിന്റെ പ്രധാന ഉറവിടമാണ് പനീർ. കാത്സ്യം അമിതമായി ശരീരത്തിലെത്തുന്നത് വൃക്കയിൽ കല്ലുകൾ ഉണ്ടാകുന്നതിന് കാരണമാകും.
പനീർ പോലുള്ള പാൽ ഉത്പന്നങ്ങളിൽ കാണപ്പെടുന്ന ലാക്ടോസ് ചില ആളുകൾക്ക് ദഹിക്കാൻ പ്രയാസമുണ്ടാകും. ഇത് ദഹനപ്രശ്നങ്ങളിലേക്ക് നയിക്കുന്നു.
പനീറിൽ സോഡിയം കൂടുതലായിരിക്കും. അമിതമായി സോഡിയം കഴിക്കുന്നത് ഉയർന്ന രക്തസമ്മർദ്ദവും മറ്റ് ആരോഗ്യപ്രശ്നങ്ങളുമായി ബന്ധപ്പെട്ടിരിക്കുന്നു.
പനീർ പോലുള്ള പാൽ ഉത്പന്നങ്ങൾ കൂടുതലായി ഭക്ഷണത്തിൽ ഉൾപ്പെടുത്തുന്നത് ചിലർക്ക് മുഖക്കുരു പോലുള്ള ചർമ്മ പ്രശ്നങ്ങൾ ഉണ്ടാക്കും.