Tomato Juice Benefits: പോഷകഗുണങ്ങള്‍ കൊണ്ട് സമ്പന്നമാണ് തക്കാളി. കറികള്‍ രുചികരമാവണമെങ്കില്‍ അതില്‍ ഇത്തിരി തക്കാളി ചേർത്തേ മതിയാകൂ.
തക്കാളിയ്ക്കുള്ള ആരോഗ്യഗുണങ്ങളും ഏറെയാണ്‌. വിറ്റാമിൻ A, കെ, ബി1, ബി3, ബി5, ബി6, ബി7, വിറ്റാമിൻ സി എന്നിവ പോലുള്ള പ്രകൃതിദത്ത പോഷകങ്ങളും ധാതുക്കളും കൊണ്ട് സമ്പന്നമാണ് തക്കാളി.
ഫോളേറ്റ്, ഇരുമ്പ്, പൊട്ടാസ്യം, മഗ്നീഷ്യം, ക്രോമിയം, കോളിൻ, സിങ്ക്, ഫോസ്ഫറസ് എന്നിവ കൂടാതെ ആന്‍റി-ഓക്സിഡന്‍റുകളാലും സമ്പന്നമാണ് തക്കാളി.
പല പഴങ്ങളും പച്ചക്കറികളുമെല്ലാം ജ്യൂസ് ആക്കി കഴിക്കുന്നവരുണ്ട്. എന്നാല്‍ തക്കാളി ജ്യൂസ് അങ്ങനെ അധികമാരും കഴിക്കുന്നത് കാണാറില്ല.
ധാരാളം ധാതുക്കളും വിറ്റാമിനുകളും അടങ്ങിയ തക്കാളി ജ്യൂസ് വളരെ മികച്ചതാണ്.
തക്കാളി ജ്യൂസ് ചർമ്മത്തിന് വളരെ ഗുണം ചെയ്യും. സൂര്യാഘാതം, ചർമ്മത്തിനുണ്ടാകുന്ന നിറ വ്യത്യാസം, മുഖക്കുരു തുടങ്ങിയ പ്രശ്‌നങ്ങള്‍ക്ക് പരിഹാരമാണ് തക്കാളി.
ദഹനത്തിന് ഏറെ ഉത്തമമാണ് തക്കാളി ജ്യൂസ്. ദഹന സംബന്ധമായ പ്രശ്നങ്ങള്‍ ഉള്ളവര്‍ക്ക് പരിഹാരമാണ് തക്കാളി ജ്യൂസ്.
ദിവസവും തക്കാളി ജ്യൂസ് കുടിയ്ക്കുന്നതിലൂടെ മലബന്ധം, ദഹനക്കേട് തുടങ്ങിയ പ്രശ്നങ്ങള്‍ ഇല്ലാതാകുകയും ദഹനവ്യവസ്ഥ ശരിയായി പ്രവർത്തിക്കുകയും ചെയ്യുന്നു.
തക്കാളി ചീത്ത കൊളസ്ട്രോളിന്‍റെ അളവ് കുറയ്ക്കുന്നു. രക്തക്കുഴലുകളെ ശക്തിപ്പെടുത്തുന്ന വിറ്റാമിൻ സി, വിറ്റാമിൻ എ, ബീറ്റാ കരോട്ടിൻ, ലൈക്കോപീൻ എന്നിവയുടെ ഉറവിടമാണ് തക്കാളി.
തക്കാളി കണ്ണുകള്‍ക്ക്‌ ഏറെ ഉത്തമമാണ്. തക്കാളി കഴിയ്ക്കുന്നവരുടെ കണ്ണുകൾ വളരെക്കാലം ആരോഗ്യത്തോടെയിരിയ്ക്കുമെന്നാണ് പഠനങ്ങള്‍ പറയുന്നത്.
തക്കാളിയിൽ അടങ്ങിയിരിക്കുന്ന ലൈക്കോപീൻ നിങ്ങളുടെ മോണയുമായി ബന്ധപ്പെട്ട രോഗങ്ങൾ ഭേദമാക്കും. വായിൽ ക്യാൻസർ വരാനുള്ള സാധ്യതയും ഇത് കുറയ്ക്കുന്നു.