ലോകത്തെ ഏറ്റവും മികച്ച പണ്ഡിതന്മാരിൽ ഒരാളാണ് ആചാര്യ ചാണക്യൻ. ജീവിതത്തിൽ എങ്ങനെ വിജയം കൈവരിക്കാമെന്ന് ചാണക്യൻ നമ്മെ പഠിപ്പിക്കുന്നു.
ചാണക്യന്റെ അഭിപ്രായത്തില്‍, ഗുണങ്ങളില്ലാത്ത ഒരു ജീവിയും ഭൂമിയിലില്ല. ഒരു ചെറിയ ഉറുമ്പിന് പോലും ഒരു വ്യക്തിയുടെ ജീവിതത്തിലേക്ക് ചില പാഠങ്ങള്‍ നല്‍കാന്‍ കഴിയുമെന്ന് അദ്ദേഹം വിശ്വസിക്കുന്നു.
അത്തരത്തിൽ വിജയത്തിന്റെ പാതയില്‍ പാഠപുസ്തകമാക്കാവുന്ന ചില പക്ഷികളെ പരിചയപ്പെടാം...
കാക്ക എപ്പോഴും ജാഗ്രതയോടെ ഇരിക്കുന്നതുപോലെ മനുഷ്യനും എപ്പോഴും ജാഗ്രത പാലിക്കണം. കാക്ക അതിന്റെ ഭക്ഷണത്തിനായി മടിക്കാതെ ആരെയും ഭയപ്പെടാതെ നിരന്തരമായി പരിശ്രമിക്കുന്നു. അതുപോലെ നമ്മുടെ ആവശ്യങ്ങൾക്കായി നാമും തളരാതെ പരിശ്രമിക്കണം.
കൊക്ക് ഇരപിടിക്കാൻ അതിന്റെ എല്ലാ ഇന്ദ്രിയങ്ങളെയും നന്നായി നിയന്ത്രിക്കുന്നു. നിങ്ങളുടെ വിജയത്തിനായി ഇന്ദ്രിയങ്ങളെ നിയന്ത്രിക്കേണ്ടത് വളരെ പ്രധാനമാണെന്നും നിങ്ങള്‍ നിങ്ങളുടെ ജോലി ഏകാഗ്രതയോടെ ചെയ്താല്‍ തീര്‍ച്ചയായും വിജയം കൈവരിക്കുമെന്നും ചാണക്യൻ പറയുന്നു.
അലസത ശത്രുവിനെപ്പോലെയാണ്. സൂര്യോദയത്തിന് മുമ്പ് എഴുന്നേല്‍ക്കുന്നതിന്റെ ഗുണം കോഴിയില്‍ നിന്ന് പഠിക്കണം. കോഴി ഭക്ഷണം പങ്കിട്ട് കഴിക്കുകയും എതിരാളികളുമായി മത്സരിക്കുകയും ചെയ്യുന്നു. അതുപോലെ സ്വന്തം അവകാശങ്ങള്‍ക്കായി പിന്നോട്ട് പോകാതെ ധൈര്യത്തോടെ പോരാടണം.
പക്ഷികൾ മാത്രമല്ല, ജീവിതത്തിൽ മനുഷ്യർക്ക് പാഠപുസ്തകമാക്കാവുന്ന മൃഗങ്ങളും നമുക്ക് ചുറ്റുമുണ്ട്.
സിംഹം പിടിച്ച ഇര ഒരിക്കലും രക്ഷപ്പെടില്ല. ഇത് സിംഗത്തിന്റെ ഒരു ഗുണമാണ്. അത് നിങ്ങളും പഠിക്കണം. ജോലി ചെറുതായാലും വലുതായാലും അത് ഏറ്റെടുത്തുകഴിഞ്ഞാല്‍ ഒരിക്കലും അതില്‍ നിന്ന് പിന്നോട്ട് പോകരുത്. പൂര്‍ണ്ണ സമര്‍പ്പണത്തോടെയും കഴിവോടെയും അത് ചെയ്ത് തീര്‍ക്കണം.
എത്ര ക്ഷീണിച്ചാലും ഭാരം ചുമക്കുക, ചുറ്റുപാടുകളെ പറ്റി ചിന്തിക്കാതെ എപ്പോഴും സംതൃപ്തിയോടെ നീങ്ങുക. ഈ കാര്യങ്ങള്‍ കഴുതയില്‍ നിന്ന് പഠിക്കാം. ഈ ഗുണങ്ങള്‍ ജീവിതത്തില്‍ സ്വീകരിക്കുന്ന വ്യക്തി എപ്പോഴും എല്ലാ ജോലികളിലും വിജയിക്കുമെന്ന് ചാണക്യന്‍ പറയുന്നു.