ബദാം ചായ കുടിച്ചോളൂ.. ഗുണങ്ങൾ ഏറെ!
പലതരത്തിലുള്ള ചായകളാണ് ഇന്ന് നമ്മൾ കണ്ടു വരുന്നത് അല്ലെ? അതിൽ സാധാരണ ചായ മുതൽ മസാല ചായ വരെ വരും
ഗ്രീൻ ടീ ഹെർബൽ ടീ എന്നിങ്ങനെ ആരോഗ്യ സംരക്ഷണത്തിന് നിരവധി മികച്ച ചായകളും ഉണ്ട്. അത്തരത്തിലുള്ള ഒന്നാണ് ബദാം ചായ. അതിലും ഉണ്ട് നിരവധി ഗുണങ്ങൾ, അറിയാം അതെന്തൊക്കെയെന്ന്?
ബദാം ചായ കുടിക്കുന്നത് വാർദ്ധക്യ ലക്ഷണങ്ങൾ ലഘൂകരിക്കും. ബദാം ചായയിൽ കൊഴുപ്പ് ലയിപ്പിക്കുന്ന വിറ്റാമിൻ ടോക്കോഫെറോളും ആന്റി-ഓക്സിഡൻ്റുകളും അടങ്ങിയിട്ടുണ്ട്. പ്രതിരോധശേഷി വർദ്ധിപ്പിക്കാനും ഇത് നല്ലതാണ്
പ്രോട്ടീനും നാരുകളും ധാരാളമടങ്ങിയിട്ടുള്ള ചായയാണിത്. വിശപ്പ് നിയന്ത്രിക്കാനും ശരീരഭാരം കുറയ്‌ക്കാനും ഇത് സൂപ്പറാണ്
കുറഞ്ഞ ഗ്ലൈസെമിക് സൂചികയുള്ളതിനാൽ പ്രമേഹ രോഗികൾക്കും ഇത് നല്ലതാണ്
കൊളസ്ട്രോൾ കുറയ്‌ക്കാനും എല്ലുകളുടെ ആരോഗ്യത്തിനും ഈ ചായ നല്ലതാണ്
ഹൃദയാരോഗ്യത്തിനും ദഹനത്തിനും ഈ ചായ നല്ലതാണ്
രാത്രി 10-12 ബദാം കുതിർത്ത് വയ്‌ക്കുക. രാവിലെ അതിന്റെ തൊലി കളഞ്ഞ് ഒരു കപ്പ് വെള്ളത്തിലേക്ക് അരച്ച് ചേർക്കുക. തുടർന്ന് ഇത് അരിച്ചെടുക്കണം
ഒരു കപ്പ് വെള്ളം ചായപ്പൊടി ചേർത്ത് മൂന്ന് മിനിറ്റ് തിളപ്പിക്കുക. ഇതിലേക്ക് ബദാം മിശ്രിതം ചേർത്തശേഷം ചൂടോടെ കുടിക്കാം