നിരവധി ആരോഗ്യ ഗുണങ്ങൾ അടങ്ങിയ ഒരു പഴമാണ് റംബൂട്ടാൻ
മധുരവും ചെറിയ പുളിപ്പും ചേര്‍ന്ന രുചിയാണിതിന്. വിറ്റാമിൻ സി, നാരുകൾ, ഇരുമ്പ്, കാത്സ്യം, ആന്‍റി ഓക്‌സിഡന്റുകൾ എന്നിവയുൾപ്പെടെ നിരവധി വിറ്റാമിനുകളാലും ധാതുക്കളാലും സമ്പന്നമാണിത്
ഉയർന്ന അളവില്‍ വിറ്റമിൻ സി അടങ്ങിയിട്ടുള്ളതിനാൽ പ്രതിരോധശേഷി വര്‍ധിപ്പിക്കാന്‍ റംബൂട്ടാൻ ബെസ്റ്റാണ്. 100 ഗ്രാം റംബൂട്ടാനില്‍ 40 മില്ലിഗ്രാം വിറ്റാമിന്‍ സി അടങ്ങിയിട്ടുണ്ട്. അതിനാല്‍ റംബൂട്ടാന് ബാക്ടീരിയകളെ അകറ്റാനും ശരീരത്തിന്‍റെ പ്രതിരോധശേഷിയെ സംരക്ഷിക്കാനും കഴിയും.
വിറ്റാമിന്‍ സിക്ക് പുറമേ വിറ്റാമിന്‍ എ, വിറ്റാമിന്‍ ബി9, ഫോളേറ്റ്, കാത്സ്യം, അയേണ്‍, പൊട്ടാസ്യം, മഗ്നീഷ്യം, സിങ്ക്, കോപ്പര്‍, മറ്റ് ആന്‍റി ഓക്സിഡന്‍റുകള്‍ എന്നിവ റംബൂട്ടാനിൽ അടങ്ങിയിട്ടുണ്ട്.
നാരുകളുടെ അംശം ഉള്ളതിനാൽ ദഹനത്തെ മെച്ചപ്പെടുത്താനും ഇത് നല്ലതാണ്. ഇരുമ്പും കോപ്പറും അടങ്ങിയ റംബൂട്ടാന് എല്ലുകളുടെ ആരോഗ്യത്തിനും രക്തയോട്ടം വര്‍ധിപ്പിക്കാനും സഹായിക്കും.
അനീമിയ വരാതിരിക്കാന്‍ ദിവസവും റംബൂട്ടാന് ഡയറ്റില്‍ ഉള്‍പ്പെടുത്തുന്നത് നല്ലതാണ്. പൊട്ടാസ്യം ധാരാളം അടങ്ങിയ പഴമാണ് റംബൂട്ടാന്. ഉയര്‍ന്ന രക്തസമ്മര്‍ദ്ദത്തെ കുറയ്ക്കാനും കൊളസ്ട്രോള്‍ കുറയ്ക്കാനും ഹൃദയത്തിന്‍റെ ആരോഗ്യത്തിനും റംബൂട്ടാന് അടിപൊളിയാണ്.
ശരീരത്തില്‍ അടിഞ്ഞിരിക്കുന്ന കൊഴുപ്പിനെ നീക്കം ചെയ്യാനും ഇതിന് കഴിയും. നാരുകള്‍ ധാരാളം അടങ്ങിയ റംബൂട്ടാന് ശരീരഭാരം കുറയ്ക്കാനും നല്ലതാണ്. റംബൂട്ടാന് കഴിക്കുന്നതുവഴി കുറച്ചധിക സമയം വയറ് നിറഞ്ഞതായി തോന്നിക്കും. ഇത് നിങ്ങളുടെ വിശപ്പിനെ തടയുകയും വണ്ണം കുറയ്ക്കാന്‍ സഹായിക്കുകയും ചെയ്യും.
വിറ്റാമിന്‍ സിയും ആന്‍റി ഓക്സിഡന്‍റുകളും അടങ്ങിയ റംബൂട്ടാൻ ആരോഗ്യകരമായ ചർമ്മത്തെ സ്വന്തമാക്കാൻ സഹായിക്കും. നിര്‍ജലീകരണം തടയാനും ശരീരത്തില്‍നിന്നും വിഷാംശങ്ങള്‍ നീക്കം ചെയ്യാനും ഇത് ബെസ്റ്റാണ്. ആന്‍റി ഓക്സിഡന്‍റുകള്‍ ധാരാളം അടങ്ങിയ റംബൂട്ടാന് ചര്‍മ്മത്തിലെ ചുളിവുകളെ മാറ്റി ചര്‍മ്മം തിളക്കമുള്ളതാക്കും.