വേനൽക്കാലത്ത് ഏവരും കുടിക്കുന്ന ഒരു ജ്യൂസ് ആണ് കരിമ്പിൻ ജ്യൂസ്. ദാഹത്തെ ശമിപ്പിക്കാൻ ഈ ജ്യൂസ് അത്യുത്തമമാണ്.
ഇതിനെല്ലാത്തിനും പുറമെ നിരവധി ആരോഗ്യ ഗുണങ്ങൾ ഇതുണ്ടെന്ന് എത്രപേർക്കറിയാം...
കരിമ്പ് ജ്യൂസിന്റെ പ്രധാന ഗുണങ്ങളിൽ ഒന്ന് മുടിയുടെ വളർച്ചയെ ഉത്തേജിപ്പിക്കാനുള്ള കഴിവുണ്ട് എന്നതാണ്.
വിറ്റാമിൻ ബി 12, ഇരുമ്പ് തുടങ്ങി അവശ്യ പോഷകങ്ങൾ ഇതിൽ അടങ്ങിയിട്ടുണ്ട്. മുടി വളർച്ചയ്ക്ക് പ്രധാനപ്പെട്ട പോഷകമാണിത്.
ചില തരം ക്യാൻസറുകളെ ചെറുക്കാനും കരിമ്പ് നല്ലതാണ്. കരിമ്പിലടങ്ങിയിരിക്കുന്ന ഫ്ളേവനോയിഡ്സ് ആണ് ഇതിന് സഹായകമാകുന്നത്.
പ്രോസ്റ്റേറ്റ് ക്യാൻർ, സ്തനാർബുദം എന്നിവയെ അകറ്റാനാണ് കരിമ്പ് നല്ലതെന്നാണ് റിപ്പോർട്ട്.
കരിമ്പിൻ ജ്യൂസിൽ അടങ്ങിയിരിക്കുന്ന നാരുകൾ മലബന്ധം തടയാനും ശരീരത്തിന്റെ ക്ഷീണം അകറ്റാനും നല്ലതാണ്
ആന്റിഓക്‌സിഡന്റുകൾ, ഫൈബർ എന്നിവയാൽ സമ്പന്നമാണ് കരിമ്പ്. ഈ ജ്യൂസിൽ ആന്റിഓക്‌സിഡന്റുകൾ, ഫിനോളിക് ആസിഡ്, ഫ്ലേവനോയ്ഡുകൾ എന്നിവ അടങ്ങിയിട്ടുണ്ട്.
ചർമ്മത്തെ ഈർപ്പമുള്ളതാക്കാനും ഉള്ളിൽ നിന്ന് മൃദുവും തിളക്കവുമുള്ളതാക്കാനും ഈ ജ്യൂസ് സൂപ്പറാണ്.
കരിമ്പിലെ ഗ്ലൈക്കോളിക് ആസിഡ് ചർമ്മത്തിന്റെ തിളക്കം നിലനിർത്താൻ സഹായിക്കും. കരളിന്റെ പ്രവർത്തനം മെച്ചപ്പെടുത്താനും കരിമ്പ് നല്ലതാണ്, മഞ്ഞപ്പിത്തത്തിനും ഇത് നല്ലതാണ്.
കരിമ്പിൻ ജ്യൂസ് ഒരു രുചികരമായ പാനീയമാണ്. ഈ പാനീയം ശരീരത്തിൽ ഒരു ഡൈയൂററ്റിക് ആയി പ്രവർത്തിക്കുന്നു. ഒപ്പം വിവിധ ദഹന പ്രശ്നങ്ങൾ അകറ്റുന്നതിനും സഹായിക്കും.