ആർത്തവത്തിന് മുൻപായി മിക്ക സ്ത്രീകൾക്കും ശാരീരികമായും മാനസികമായും അസ്വസ്ഥതകൾ ഉണ്ടാകാറുണ്ട്. ഇതിനെയാണ് പിഎംഎസ് അല്ലെങ്കിൽ പ്രീമെന്‍സ്ട്രല്‍ സിന്‍ഡ്രോം എന്ന് പറയുന്നത്
ശരീരവേദന, സ്തനങ്ങളില്‍ വേദന, ദഹനപ്രശ്‌നം, ഗ്യാസ്ട്രബിള്‍, ദേഷ്യം, ഉത്കണ്ഠ എന്നിങ്ങനെ നിരവധി പ്രശ്‌നങ്ങൾ പിഎംഎസിന്റെ ഭാഗമാണ്
ഹോര്‍മോണിലുണ്ടാകുന്ന വ്യത്യാസങ്ങൾ മൂലമാണ് പിഎംഎസ് വരുന്നത്. അത് പൂർണമായി പരിഹരിക്കാൻ സാധിക്കില്ലെങ്കിലും ഈ ലക്ഷണങ്ങൾ കുറയ്ക്കാൻ കഴിയും.
പിഎംഎസ് ലക്ഷണങ്ങൾ കുറയ്ക്കാൻ സഹായിക്കുന്ന ചില പോഷകങ്ങൾ ഏതൊക്കെയാണെന്ന് പരിചയപ്പെടാം.
മൂഡ് സ്വിംഗ്, വേദന തുടങ്ങിയവ കുറയ്ക്കാൻ കാൽസ്യം സഹായിക്കുന്നു. റാഗി, തൈര്, എള്ള് എന്നിവയാണ് കാൽസ്യത്തിന്റെ മികച്ച ഉറവിടങ്ങൾ.
വയറുവേദന, സ്തനങ്ങളുടെ ആർദ്രത, മൂഡ് സ്വിംഗ് എന്നിവ കുറയ്ക്കാൻ സഹായിക്കുന്നതാണ് മഗ്നീഷ്യം. മത്തങ്ങ വിത്തുകൾ, ബദാം, കശുവണ്ടി എന്നിവ മഗ്നീഷ്യത്തിന്റെ മികച്ച ഉറവിടങ്ങളാണ്
വിഷാദം, ക്ഷോഭം, സ്തനങ്ങളുടെ ആർദ്രത എന്നിവ കുറയ്ക്കാൻ സഹായിക്കുന്നത് വൈറ്റമിൻ ബി6 ആണ്. വൈറ്റമിൻ ബി 6 ൻ്റെ ഏറ്റവും മികച്ച ഉറവിടങ്ങൾ ചെറുപയർ, പപ്പായ എന്നിവയാണ്
ഒമേഗ-3 ഫാറ്റി ആസിഡുകൾ വീക്കം കുറയ്ക്കാനും മൂഡ് സ്വിംഗ് കുറയ്ക്കാനും സഹായിക്കുന്നു. സാൽമൺ, നെയ്യ് തുടങ്ങിയവയാണ് ഇതിന് കഴിക്കേണ്ടത്
ക്ഷീണവും മാനസികാവസ്ഥയും കുറയ്ക്കാൻ സഹായിക്കുന്നതാണ് വൈറ്റമിൻ ഡി. സൂര്യ പ്രകാശം ഏൽക്കുമ്പോൾ വൈറ്റമിൻ ഡി ലഭിക്കും. സാൽമൺ, ഫോർട്ടിഫൈഡ് ഭക്ഷണങ്ങൾ എന്നിവ കഴിക്കുന്നതിലൂടെയും ശരീരത്തിന് ആവശ്യമായ വൈറ്റമിൻ ഡി ലഭിക്കും.