ഫ്രഷ് ആയ മൂന്ന് വെണ്ടയ്ക്ക എടുത്ത് ചെറിയ കഷ്ണങ്ങളാക്കി അരിയുക. ഇത് ഒരു ഗ്ലാസ് വെള്ളത്തിൽ രാത്രി മുഴുവനും കുതിർക്കാൻ വെച്ചിട്ട് രാവിലെ പിഴിഞ്ഞ് അരിച്ച് വെറും വയറ്റിൽ കുടിക്കാം. രുചി കൂട്ടാൻ തേൻ ചേർക്കാവുന്നതാണ്.
വെണ്ടയ്ക്ക വെള്ളത്തിൽ വിറ്റാമിൻ എയും ബീറ്റാ കരോട്ടിനും അടങ്ങിയിരിക്കുന്നു. ഇത് കണ്ണുകളുടെ ആരോഗ്യത്തിന് നല്ലതാണ്.
കുറഞ്ഞ കലോറിയും നാരുകളാൽ സമ്പന്നവുമായ വെണ്ടയ്ക്ക വെള്ളം ശരീരത്തിലെ ജലാംശം നിലനിർത്താനും ശരീരഭാരം കുറയ്ക്കാനും സഹായിക്കുന്നു.
ആൻ്റി ഓക്സിഡന്റുകളുടെ ശക്തമായ ഉറവിടമാണ് വെണ്ടയ്ക്ക വെള്ളം. ഇത് വീക്കം കുറയ്ക്കാനും ഫ്രീ റാഡിക്കലുകളെ ചെറുക്കാനും സഹായിക്കും.
വെണ്ടയ്ക്ക വെള്ളത്തിൽ നാരുകൾ ധാരാളം അടങ്ങിയിട്ടുണ്ട്. ഇവ ദഹനം മെച്ചപ്പെടുത്താനും മലബന്ധം അകറ്റാനും ഗുണം ചെയ്യും.
വിറ്റാമിൻ കെ, കാൽസ്യ തുടങ്ങിയവ അടങ്ങിയ വെണ്ടയ്ക്ക വെള്ളം കുടിക്കുന്നത് എല്ലുകളുടെ ആരോഗ്യം സംരക്ഷിക്കുകയും ഓസ്റ്റിയോപെറോസീസ് സാധ്യത കുറയ്ക്കുകയും ചെയ്യുന്നു.
വെണ്ടയ്ക്കയിലുള്ള പോളിഫിനോളുകളും ഫ്ലേവനോയ്ഡുകളും ഗ്ലൂക്കോസിന്റെ അളവ് കുറച്ച് രക്തത്തിലെ പഞ്ചസാരയുടെ അളവ് നിയന്ത്രിക്കുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.