Metabolism Boost At 40: നാല്പത് വയസ് എന്നത് ആരോഗ്യകരമായി മികച്ച സമയം എന്ന് തന്നെ പറയാം. എന്നാല്‍, ആരോഗ്യ വിദഗ്ധര്‍ പറയുന്നതനുസരിച്ച് 40 വയസ് കഴിയുമ്പോള്‍ നമ്മുടെ മെറ്റബോളിസം ദുര്‍ബലമാകുന്ന ഒരു സാഹചര്യം ഉണ്ടാകാം.
ശരീരം ഭക്ഷണത്തെ ഊർജമാക്കി മാറ്റുന്ന പ്രക്രിയയാണ് മെറ്റബോളിസം. മെറ്റബോളിസം മന്ദഗതിയിലാകുമ്പോൾ, കലോറി എരിയിക്കാന്‍ ശരീരത്തിന് കൂടുതൽ സമയം വേണ്ടി വരും.
മെറ്റബോളിസം ദുര്‍ബലമാകുന്ന അവസ്ഥ ശരീരത്തിന് പല പാര്‍ശ്വഫലങ്ങളും നല്‍കും. ഇത് ക്രമേണ ശരീരഭാരം വർദ്ധിപ്പിക്കാനും ഉപാപചയ രോഗങ്ങളുടെ സാധ്യത വർദ്ധിപ്പിക്കാനും ഇടയാക്കും. ചില കാര്യങ്ങള്‍ ശ്രദ്ധിച്ചാല്‍ നിങ്ങൾക്ക് മെറ്റബോളിസം ശക്തിപ്പെടുത്താനും എന്നത്തേയും പോലെ സജീവമായി തുടരാനും കഴിയും.
മെറ്റബോളിസം ശക്തിപ്പെടുത്തുന്നതിനുള്ള ഏറ്റവും നല്ല മാർഗമാണ് വ്യായാമം. കുറഞ്ഞത് 30 മിനിറ്റ് മിതമായ തീവ്രതയിലുള്ള വ്യായാമം അല്ലെങ്കിൽ 15 മിനിറ്റ് ഉയർന്ന തീവ്രതയിലുള്ള വ്യായാമം ആരോഗ്യത്തിന് ഏറെ ഗുണകരമാണ്.
ആരോഗ്യകരമായ ഭക്ഷണക്രമം മെറ്റബോളിസം വർദ്ധിപ്പിക്കാന്‍ സഹായിക്കും. ധാന്യങ്ങൾ, പഴങ്ങൾ, പച്ചക്കറികൾ, കൊഴുപ്പ് കുറഞ്ഞ പ്രോട്ടീനുകൾ തുടങ്ങിയ പോഷകസമൃദ്ധമായ ഭക്ഷണങ്ങൾ കഴിക്കാന്‍ ശ്രദ്ധിക്കുക.
ഉറക്കക്കുറവ് മെറ്റബോളിസത്തെ മന്ദീഭവിപ്പിക്കും. എല്ലാ ദിവസവും 7-8 മണിക്കൂർ വരെ ഉറങ്ങാൻ ശ്രദ്ധിക്കുക.
സമ്മർദ്ദം മെറ്റബോളിസത്തെ മന്ദഗതിയിലാക്കും. സമ്മർദ്ദം കുറയ്ക്കുന്നതിന് യോഗ, ധ്യാനം, ഹോബികള്‍ അല്ലെങ്കിൽ മറ്റ് മാര്‍ഗ്ഗങ്ങള്‍ പരിശീലിക്കുക.
മെറ്റബോളിസം ഉൾപ്പെടെ ശരീരത്തിന്‍റെ എല്ലാ പ്രവർത്തനങ്ങൾക്കും വെള്ളം പ്രധാനമാണ്. ദിവസവും 8-10 ഗ്ലാസ് വെള്ളം കുടിയ്ക്കുക എന്നത് പ്രധാനമാണ്.
പുകവലിയും മദ്യപാനവും മെറ്റബോളിസത്തെ മന്ദീഭവിപ്പിക്കും. അതിനാല്‍ ഈ രണ്ട് കാര്യങ്ങളും ഒഴിവാക്കുക.